Fox Journal | Ghy.: Tarik 16 Changer, 2018 (Thawleni) khan HSA Mahur Higher Secondary School, Assam hai chun 4th Freshers meet 2018 chu phuisui takin Saron HSA hall ah an hmang. Mahur hi Assam Hills JHQ hnuoia um a nih.
Hi Freshers meet MHSS a inchûktu hai ta dinga hun pawimaw tak a hin mipawimaw hienghai hi fiel an nih. Khuollien (Chief Guest) - Tv.James Selate G.S HSA Assam Hills JHQ, Khuol Inzaum (Guest of Honour) - Tv.Lalramdin Tuolor , Statistic Secy. HSA Assam Hill JHQ, Khuol Chawngpu (Chief Host) - Pu Chawngsangngur Tuolor, President HSA Saron Unit, Guest Artiste - Tv. Lalsanglien Inbuon, Secy. Social & culture HSA JHSCU, Haflong hai an nih.
Programme hi hunkhatna le hun hnina a țhein Tv. Solomon Hrangate Nk. Delis Khawzawl haiin an keițhuoia, hun hmasatakah Pu Andrew John in Pathien kuoma hun inkawltirna a neia, chu zoah HSA MHSS President in Mipui fekhawm hai lawmlûtna neiin hun țan zuipei a nih.
Chief Guest a inthawk "Titakna " ti thupui besanin inchûktu haiin ei inchûkna kawngah, Kohran ram, Hnam a khawm nisien ei thawna taphawtah Titakna nei dinga chona le infuina thu hnesaw takin a hril.
Guest of Honour khawmin Taimâkna le tumruna Pathien thu biesanin a hril chun Inchuklai hai hi Hnam darthlalang lientak ei ni Kohran, Hnam le Hmar mipui mi en le mi thlir țhup ei ni, Inchukna hmang in Ram le Hnam in indin thar ei țul zie hai ngaithlak a. Chun, Chief Host khawmin Tum nei a inchûk a pawimawze a hril nghe nghe bawk.
Hlasak thiem fiel a um Tv. B. Lalsanglien Inbuon, Tv. Enok Hrangchal le members hai a inthawkin Hla tieng pang hnesaw takin fekhâwmtu hai an in awia, na thlei hle a, chun lamthiem tam takin Hnam lam le lam chi dang dang hai khawm an hung suklang.
HSA MHSS Mr. le Miss Freshers Kum 2018 thlangna nei a nih a, Tv. Rohminghlu Khawbung le Nk. Gracy Țaite, hai hi thlang tling an nih.
Hi HSA MHSS hai Programme a hin mi pawimaw dang Tv. Edmund L Darngawn HSA AH JHQ Executive Committee Members,Tv. Lalrohlim Secy. Education HSA Jinam Valley Block, HSA JHSC Unit Haflong President, Secy, Departmental Secretaries, members pawimaw tak tak hai le Mahur a sevel a HSA Unit țhuoitu, nu le pa le Hnam dang students org./Association/Union hai khawmin Programme hi an țawiawm in an uop ve.
Mahur Higher Secondary School a HSA Inchûktu hai hi Unit ni naw hai sienkhawm an programme induong le hmang dan a hin inpâk an um khawp el a, hmatieng pei a khawm Hnam ta dinga thilțha thaw pei dingin ei ditsakna insâng tak ei inhlan tak zet an nih.
COMMENTS