Fox Journal | CCPur: City Campus, Rengkai Road, CCPur a innghat mek Sangai International University a Vice Chancellor chel lai mek Manipur University ah retired History Professor, Prof. Laldena chu a sin VC a inthawk ama an ban thu chanchin ei hriet.
An banna thu hi state daily a hai hmu dingin a um a, amiruokchu, a san chieng taka zieklanga um naw chun mi tam tak ngaiven le hriet nuom a hlaw a, Fox Journal Editor in thuchieng lem ngaiven a a chengna in CCPur ah va panin thu indawnna a nei.
Prof. Laldena hin an ban ding hi thawk le khata a thaw thut a ni naw a, June 13, 2018 khan Registrar kuomah 3 months notice tiin an ban ding thu a hmalawka a lo hril ta sa a ni a, chun, hi an banna ding thu bawzuina in 28th September, 2018 khan Registrar leh hi thu a hin an inhmu nawk a, chu dungzui pei chun October 10, 2018 (Nilaini) khan Vice Chancellor, SIUM post a inthawk ama a lo inban fel tah a ni thu ei hriet a. An banna san pawimaw tak chu, a sawm pakhatna dinga tuta a lekhabu ziek lai mek "Fourth World: Indigenous Peoples' Movement & India's North East Experience" (ICSSR sponsor) a hin a lungril pek zuol a full time focus a nuom tak lei a ni thu ei Editor kuomah a hril. Prof. Lal Dena in VC Office hi May 5, 2017 khan a hluo tan a nih.
Tuta SIUM hi City Campus, Rengkai Road ah a lan nghat mek a ni a. Permanent Campus umna ding chu S. Bualjang, CCPur a nih.
COMMENTS