Fox Journal | CCPur: Fox Journal a hi hmaa chanchin ei lo insuo tah Hmar tlangval Saidan khawsuok Denish R. Zote chu Under - 17, 64th National School Games in Badminton, Kadapa Y.S.R. District, Andhra Pradesh hmun a 28th Nov. - 2nd December, 2018 sung inkhelna ding ah Manipur aiaw dinga nuhmei panga le pasal panga (An rengin 10) an thlangdawk hai lai a țhang ve a nih.
Denish hi Manipur aiaw a țhang ding a ni lai zingin, a District ai a aw pek ding chu, official takin Pherzawl District hminga a zu khel ding a ni thu ei hriet. Tv. Denish R. Zote hi Upa Robert Zote, Saidan, Tuițhaphai, CCPur a naupa a nih.
Hi tournament hi Olympic/Asian/Common Wealth Games trial a ni nghal hlak niin chanchin ei lakna chun a hril a. Denish hi Hmar Martyrs Badminton Championship a Junior champion ni lai mèk a ni bawk.
COMMENTS