Sielmat ICI Țhalai Pawl in Kristien Hlabu 240 chen le Independent Hla 30 chen saksuok thei lawmman dawng

Fox Journal | Local: Tuițhaphai Presbytery Musical Society (TPMS), ICI in a buotsai Krisiten Hlabu (KHB) saksuok rawn inelna le a hnunga Independent hla sak suok rawn inelna an belsa chu Independent kohran Tuițhaphai Țhalai sunga fe pui zing a la nih.

KHB inruolsiekna hi kum 2010 a kha țan niin kum tin hi inruolsiekna hi tawp lovin a la fe zing a, kum khat sunga inruolsieknaa hin a number indawt peiin KHB a mi hla 30 pei saksuok thei le Independent hla 10 pei inthang sa tir a ni tah.

Kum 2018 hin KHB 211-240 le Independent hla 21-30 a rengin an sak PMS in a endik a, a saksuok rawn tak la niin le a pakhatna Sielmat Unit in Memento le Cash prize 5000/-, 71st Tuițhaphai Presbytery Annual Conference, Saidan a hmang mek na hmun a inhlan an nih. An ni dawttu a hin Ngurte Unit hai a pahnina an țhang niin chanchin ei dawng.