Fox Journal | Tuițhaphai: Children's Home, Saikawt, Tuițhaphai, CCPur in Winter Carnival 11 - 15 December, 2018 an buotsai chu mipui tienga beiseina le ngenna tam leiin zanhni dang December 16 le 17 zana dingin suksei a ni thu organiser haia inthawk thu ei dawng.
Hieng zanhni December 16 le 17 zana Artiste ding hai chu: Jajai Singsit, Christina Shakum, Lien Shakum, Gloria Lalmalsawm Khawlhring, Kanghling Father, Joshua L. Thiek, Melody Varte, Florence Sungte, Ramhluolien le mi dang dang ning an tih.
December 17, 2018 zan khin Carnival kharna hunser hmang ning a ta, Chief Guest dingin Roland R. Pulamte, Manager, Bitz World ning a tih.
Chun Bitz World anthawk offer a hnuoia ang hin um bawk a tih.
1. Mobile temper glass Rs. 50/-
2. Phone cover Rs. 10/-
3. Electronic le mobile gadgets hai offer tam tak a um sa bawk ding niin chanchin ei dawng.
Stall thar games inhnelna a thar um sa bawk a ta, Santa clause in naupanghai gift sem bawk a ta, Save a Child winter Carnival Restaurant ah fathei chikima sie ni bawk a tih.
Vawizan inkhawm țin dar 6:30 hin hawng țan ning a tih. Chun, Rengkai Weslyan Methodist Church Țhalai haiin Exhibition an buotsai khawm zan inkhawm țin a hawng ni bawk a tih.
COMMENTS