Fox Journal | Tuițhaphai: Winter Carnival - In Aid of Children's Home Saikawt chu zani December 12, 2018 (Thawleni zan) dar 6 khan Children's Home Playground, Saikawt, Tuițhaphai, CCPur ah hawngna hunser hmang a nih.
Carnival hi Chief Guest Pu Dr. L. Fimate, Director, Mizoram Institute of Medical Education & Research (MIMER) in a hawng a. Games chi tum tum le fak ding chi dang dang hai hawngin, inhnelna le fak le dawn hai zawr țan nghal a ni a. Hi Carnival hi December ni 15, 2018 chen dinga riruong phawt a ni thu buotsaituhaia inthawkin thu ei dawng.
A hawng zan hin hlasakthiem tak tak hieng - Mami Sinate, Mercy Lalumpui, Melody Varte, Florence Sungte, Ramhluolien le Kanghling Father haiin zaihla remin mipui an inawi bawk.
Insukhlimna le fak le dawn el chau ni lovin, Home a um naupang hai in enkawlna a hmang dinga hi Carnival hi buotsai a ni leiin thahnemngai taka mitinin kut va rawl dingin buotsaituhaiin fielna Fox Journal fethlengin an siem.
COMMENTS