HPC(D) Drug Cell in No. 4 zawr an man

Fox Journal | Tuițhaphai: Zani tarik 19, Jan 2019 (Sat) Dar 2PM khan Mr Lalhmaṭhuoi s/o Lalruotlien, Rengkai, Shillong Hills chu HPC(D) Manipur Region Drug Cell haiin Rengkai ah an man a. A kuta inthawk No-4 funte (40), WY hmangruo, mobile phone pakhat leh an man.

Hmangaitak le lunginsiet tak puma zil hauna pek a ni hnungin le zawr nawk ta ngailo dinga an tiem hnungin insuo nawk a ni a. No-4 mana um hai hi raw hmang vawng a ni thu ei dawng.

HPC(D) chun a operational area sunga inruithei zawr a khapna hi ala fepui zing a. Hi thu zawm loa la thawlui an um a, man nawk an ni chun an chungah action lak ning a ta, a maw chu an ni'n phur an tih tiin ei thu laksawngna chun a hril.