HSA Imphal JHQ in HSA Hmarram JHQ Study Camp an kan; Ṭhangpuina an pêk

Fox Journal, Tuițhaphai | 14.02.19 : HSA Imphal JHQ in HSA Hmarram JHQ hmalâkna a HSA Campus Rengkai, Ccpur a Hmarram Students Study Camp a um hai chu va kan Bufai le Alu bag khat ve ve in thangpui an va pêk. 

Hi huna hin Pu Malsawmthang Ralsun, President HSA JHQ in study camp a um exam hmasuon ding mêk inchuklaihai infuina thucha hrilna a nei zovin Pathien kuoma ṭawngṭaipekna a nei nghal bawk.

Chanchin ei dawng pei dân in vawisûn a ṭhangpuina an pêk bâk a hin an la pêk sa nâwk ding thu ei palai kuomah an hung hril bâwk.

Ṭhangpui ngai hai ṭhangpui tu HSA Imphal JHQ chungah Fox Journal chun lâwmthu a hril a, inchûklai hai ta dinga hma an lâk pei na ah Pathien in umpui pei dingin Fox Journal chun ditsakna an hlân.