Fox Journal | Guwahati: 05.02.2019 NC Hills sûnga khuo ṭhenkhat mipui hai harsatna le inzawmin NCHISF țhuoitu hai chun zani 05.02.2019 khan Guwahati hmuna SBI le NHAI hotulien hai an inhmupui.
State Bank of India Shri. Pradip Kumar Assistant General Manager ATM Alternate Channel SBI Regional Head Office Guwahati inhmupuina nei a ni a, hi huna hin Mahur Bazar le Harangajo Bazar lai ATM Booth inṭhut dinga ngênna siem a nih, chun Harangajao Town lai SBI Branch inṭhut nading le inzawmin General Manager kuoma Memorandum pêklût a ni bawk.
National Highway Authority of India North East Region Guwahati General Manager Shri. Sunil Sharma inhmupuina le inbiekpuina neiin, Dumping Compensation le Mahur Bridge Concrete a siem ding ti a anlo intiemna ang taka siem vat a nina ding le Lumding to Silchar Road NH-154E etc. siemṭhatna le enkawlna ṭhatak pêk vat ani ngeina dingin Chief General Manager kuoma Memorandum pêklûtna an nei bawk, NCHISF Ṭhuoitu hai chun Jatinga le Harangajao (package no As. 21) 4lane asiema umzing hi 2 lane a tlâk danglam ding thu hriet ani leiin hi chungthu a hin 2 Lane a tlâk danglam lo hram dingin NCHISF ṭhuoitu hai chun an ngên, an ngênna hi a hlawsam chun mipui tha hmangin kan theitawp in dang kan tih tiin an hril pêk bawk.
Hieng SBI le NHAI ṭhuoitu inhmupuia um hai hin mipui harsatna hrie a hmalatu a hai an inpâk hle a theitawpa an tlawp ding thu le mipui pawimaw ṭhangpui chu an nuom hle thu an hril bawk.
COMMENTS