Senvon PMS Jr. High School building thar hawng

Fox Journal | Pherzawl: Vawituk (01/02/2019) dar 7 khan Senvon PMS School building thar chu Rev. Rohminglien Pakhuongte, Vice President, PMS in a hawng.

Hi hunser hi EFCI Secretary lien Rev. C. Kawldinglien le Rev. Simon Darngawn haiin an uop ve a. Program hi Senvon PMS School Headmaster Matthai Lalruata Pakhuongte in a keițhuoi a, Senvon Village Authority a inthawk le Senvon EFCI kohran a ithawkin thuhriltawi ngaithlak a nih. Lalengvari Sinate, PMS Hqrs staff le Arlene Lalruotțhieng, Senvon PMS School staff hai a inthawk in hla ngainuom um tak tak ngaithlak a nih.

Rev. Rohminglien chun naupang le staff hai chu School an tlung pha Pathien bie hlak ding in anfui a, naupang hai chu zinga ei ram le hnam, kohran, sawrkar le khawtlang țhuoitu ding an la ni leiin nun fimkhur taka hmang ding le nitin Lalpa le intlawn zing pum a lekha inchuk dingin a fui niin report ei dawngna chun a hril.