Fox Journal | Tuițhaphai: Vawisun tarik 12 March, 2019 khan term hluia Hmar Inpui President Pu Jospeh Lalrothang a inah Inpui țhuoitu hlui le thar hai charge inhlanna hun hmang a nih.
Hun hmasa taka Upa Laltlanmawi Tusing in Pathien kuoma tawngtaina in hun a hawng zoin out-going President Pu Jospeh Lalrothang in infuina thucha a hril zoin charge inhlanna hun hmang nghal a ni a. Hi huna hin out-going President in thruoitu thar hai ditsakna insang tak an hlan baka a lawmpui thu a hril a, tuta țum a Inpui hi hrat taka a fe thei naw na chu Inpui Constitution hi hmang tak tak thei a ni naw lei a nih tiin a hril.
Charge inhlan zo hin President thar in mipui hai ditsakna zara Hmar inpui President thlang tlinga a um hi lawm um a ti a, mipui in ringzo taka an mi thlang na hi hrezinga hma hrat taka lak hi ka tum zing ding a nih tiin a hril.
Finance le Treasurer charge hi President thar kuta inhlan a ni a, tuta kar sung ngeia ruot fel a ni ding thu ei dawng a. Finance Secretary a inthawk Finance report ngaithlak a ni a. Treasurer in balance um po Rs. 19,500/- President thar kuta an hlan zoin Upa LB Songate, Hmar Inpui Executive member in hun khar țawngțaina le fak inhlanna a hmang zoin hunser suktawp a nih.
Hmar Inpui cabinet expansion chu an hmatieng a thaw tum a ni thu chanchin ei dawng. Tuta term chel thar mek hai hin kum 2022 chen Hmar Inpui (Hmar Supreme House) office an hluo ding a nih.
Hmar Inpui OB thar hai:
President: Joseph R. Hmar, Imphal
Vice President: J. Lalchhanhima, Mizoram
General Secretary: Francis Songate, Tuițhaphai
Jt. Secretary: Richard Lalțanpuia, Tuițhaphai
COMMENTS