Fox Journal | Tuițhaphai: Vawisun March 4, 2019 dar 1:00 khan Churachandpur Joint Headquarters chun HSA Churachandpur Government College Unit chu kum 2019 sunga unit ṭhuoitu ding hai an inthlangpui. Inthlang hma hin ṭawngṭainaa hun Churachandpur Joint Headquarters G.S Tv. Eric L Fimate in a nei a. Churachandpur Joint Headquarters President Pu Jeffrey Saihmang-in inthlangna keihruoiin inthlangna felfai taka nei a nih.
Kum 2019 sunga CGC OB thar hai chu
President - Krossngaisang Fimate
Vice President - Stephan Ngurdinglien
Secretary - Benjamin Lalngilnei Joute
Assistant Secretary - Lalthanglien
Finance - Esther Zonunmawi
Treasurer - Lalvarmawi Hmar
Inthlang zo hin Churachandpur Joint Headquarters President in thlangtharhai chu intiemkamna a neipui a. Hun tawp tieng infuina thucha Joint Headquarters Education Secretary Tv. Joshua Sakhum in a nei a. Chun, Churachandpur Joint Headquarters Assistant ni bawk, HSA CGC outgoing President Tv. Khuplal Songate in infuina le ditsakna inhlanna a nei bawk. Tawngtainaa hun kharin Churachandpur Government College unit inthlangna hun chu hmang zo a nih.
Unit dang dang hai khawm a hmatiemin an hmawthei angin election nei dinga insingsa mêk a nih. Inthlangna hih Hmar Inchuklai le thalai po povin ngaipawimawin, nu le pa khawma inthlang huna thalai le naupang a tamthei ang tak an um theina dingin thahnem ngaia khawsunga inthlangna a um huna mani nauhai hung tir seng dingin Churachandpur Joint Headquarters ṭhuoitu hai chun ngenna an siem nghal.
COMMENTS