Fox Journal | Tuițhaphai: HSA Rengkai Unit le Ruonglevaisuo Education Society (RES) inkawpin MPSC (Manipur) Exam ding mi 14 hai kuoma vawisun (March 3, 2019) khan study material sem a nih. Hi huna hin Michael Fimate, SDC, Tadubi in hun hmasa tieng hun hmangin, Exam fe dan ding le Exam in prepare dan ding vel a hrila, chu zo chun El- Ar Sungte Secy., HSA Rengkai Unit le RES Co - Convenor le RES Convenor Lalthanzau chun Exam ding hai kawla Material hai inhlanna a nei.
Rengkai Unit Secy El-Ar Sungte in a hril dan chun, kum bul khan MPSC Free Coaching thaw an tuma, nisienlakhawm, Exam hun ding sawn hlat le chieng taka hril a ni thei naw leiin an ti angin an chang thei naw thu hai a hrila, a pawi a tiin a nawk a chu Free Coaching pek an tum ta ngei thu hai a hril. Chun, SSC exam hai khawm Coaching an la thaw tum pei a ni thu hrilin, tuta Material sem huna thang hman lo hai khawm Soft copy a in pek thei a ni thu hai hrilsa. Tukhawm an exam ding taphawt haiin hung contact rin lo ding in a hril a, hnam tading in thang la thar pei ei tiu a, ei unau dang hai hi ei phak ta naw taluo leia an thaw a ni thu hai a hril sa bawk.
COMMENTS