Fox Journal: Liemtah April 25, 06:20 PM (Local time) khan Lamphel ICI KȚP mi 27 hai chun "Walk for Christ" ti thupui a hmangin Imphal - Tuițhaphai (CCPur), 64 kms (driving distance) ke a lawnin, tarik 26 April, 2019 dar 12 vel khan Tuițhaphai an hung tlung.
Palm Sunday le Good Friday inbuotsaina a fe mek laia hi thu hi suok ana, Țhalai abikin Imphal phairuom a um haiin Krista ta dingin iengkhawm thaw thei tak tak kan nei naw a, Krista hmanin ei ta dingin Kraws Kalvary tlang a put kaia, ei ni Isu Krista ta dinga Ṭhalai in ti hai hin Isu Krista ta ding le A hmingin kan thaw thei ve sun, missionary le a dang dang a rawngbawlna a suok hlak kan um si naw leiin iemani tak Krista hmingin thaw inla kan ti a, hi thil hi kan thaw a nih tiin an Țhalai thuoitu chun a hril.
Hi kea an hung lawn hi, Rengkai, Tuițhaphai hmuna Independent Kohran, Tuițhaphai Presbytery in Spiritual Renewl Crusade a hmangna a hung țhang nghal dinga hung inbuotsai an nih.
ICI Secretariat Staff, Central KȚP, Life Cafe (Rengkai), Ronald Store (Rengkai), Rengkai ICI Kohran le Tuițhaphai PS haiin an umna hmuna le an remchangna hmuna hai fak le dawn ding lo pe a, țawngțaina le lo țawiawm tuhai kuomah hi news fethleng hin Țhalai thuoituhaiin lawmthu an hril.
COMMENTS