Fox Journal: Vawisun, 12th April 2019 khan Upa H.L Sanga Neingaite, President Muolhoi Village inrawina hnuoi a Village Committee le Valupa hai chun Muolhoi khuosunga mipui haiin nasatakin tui chungchanga harsatna ei tuok hlak leiin Water Reservoir Tank lien tawk tak le distribution line Muolhoi a siem dan ding an van biek pui a. Chun, PHE Minister, Government of Assam kuoma hnina Village Committee hin anlo seim na chu Executive Engineer kuoma a hung forward bawk.
Muolhoi President rawi a an hni na hi Engineer hin Muolhoi chu khuolien tak a ni leiin proposal siema um hi a tul hrim a ni tiin zinga water Reservior inthut nading hmun le pipe kei na ding hmun hai a hmun hai chu Village Committee, Valupa le PHE Department haiin enfel na nei nghal dinga ti a ni a, chun estimate le drawing hai khawm April sunga siem zo hman dingin EE chun inhriettirna a siem nghak bawk a nih. Muolhoi mipui in tui thienghlim dawn ding namenlo in harsatna eituok meka, MVC hmalak mekna a hin a taka ngei a an chang theina dingin mitinin ei hlawtling vat theina dingin ei tawngtaina a lo hrie seng ei tiu.
Chun, Muolhoi khawsunga um harsatna lei a Electric connection thaw thei lo mi tamtak an um ti hriet a ni leiin Muolhoi Village Committee le Valupa haiin nasatakin hma an laka mi in (Household) 58 hai chu a thlawna (free) connection hmu thei dingin an select a nih. APDCL a thu neitu hai le inbiek dan chun meter box a hung tlung le inruol in connection hi tan nghal dingin hotu hai chu an inhriettir.
COMMENTS