Fox Journal | Tuițhaphai: Independent Church of India (ICI), Tuithaphai Presbytery in April 27- 28, 2019 hun sunga " Mi sukhar nawk rawh" (Sam 85:6) thupuia hmanga Rengkai ICI Biekin a 'Spiritual Renewal Crusade' a buotsai chu hlawtling taka hmangin zani zan (April 28, 2019) khan a lo tumtiek tah. Rev. Lalneikhup Hmar, P.S, Tuithaphai Presbytery in April 27, 2019 zan Crusade hawngna le mipui lawmlutna hunser a hmang a. Crusade nei a ni huna hin Rev. Lalrohlu, Crusade Speaker a inthawk Pathien thucha ropui tak tak el ngaithlak a ni a, mi tam takin thlarau malsawmna an dawng.
|
| Image: Aurora Photography |
Spiritual Renewal Crusade hmang huna hin ICI Central Choir, Blessed Choir, NPT Choir, Rengkai ICI KTP, Saikawt Joint KTP, Khawmawi KTP, Saidan KTP, Sielmat KTP le Rengkai Gilgal KTP han inpakna hlapawl an sak a, Praise & Worship Team hai keithuoina in mipui hlasakna nei a ni hlak a, thu le hla ah Pathien thlarau malsamna nasatakin an dawng.
|
| Pathienni inkhawm țin |
Hi huna hin Thlarau ruoi bakah taksa ruoi khawm the a ni a, Crusade a thang mipui 2500 bawr vel han ruoi inhnik tak el an kiltlang. Lawmthu hrilna le Crusade kharna hunser Rev. S.K. Songate, Chairman, ICI Tuithaphai Presbytery in a nei zoin Upa H.T. Vela, Vice-Chairman, ICI Tuithaphai Presbytery in Benediction in hun a khar.
|
| Pathienni inkhawm țin |
COMMENTS