Fox Journal | Tuiṭhaphai: May 14, 2019 (Vawizan) dar 6:30 PM khan Rengkai RPC Biekin, Tuițhaphai ah famtah NK. Talitha Lalrinliani-in a damlaia sermon a lo ziekhai lekhabu-a siema um chu Rev. Dr. Vanlalnghakthang in a tlângzâr
Hi lekhabu hi "Krista zâr a ka hamțhatna" ti a ni a, taksa bawrsawmnain a bawm laia Nk. Talitha in sermon a ziek hai siekhawm a ni a. Pathiena inthawka thu a hmu hai, harsat le rinum a tuor laia Pathien thu a hmu hai a ziekna a nih.
Nk. Talitha hi piengtir a heart problem nei, May 14, 2018 zingkar inhmatak khan a natna tuor zo ta loin a hringna lo tâwp ta a nih. Nunghak fel tak el niin Pathienni zata suok hlak Rengkai RPC KṬP kum 2017 sûnga "Vanglai Meiser" a article ziek râwn tak Award khawm lo dawng ta a ni bawk.
Hi lekhabu tlângzârna huna hin kohran mipui le ngainatu țhahnemtawk tak mi an fekhawm.
COMMENTS