Fox Journal | Tuițhaphai: Youth Entertainment buotsaina a Hmar hlasakthiem hai laia Hmar Best Music Video 2019, Instagram fethleng a thlangdawkna chu zofel a lo ni tah.
Nominees (5) panga an uma, chuong hai chu June 3, 2019 a inthawk tiem țan in ni 7 (sari) sung Instagram a vote theina hun siem a ni a. Hi vote a inthawk hin vote hmu rawn takin Best Music Video 2019 chu a dawng a nih.
NC Hills, Assam a inthawk Mukhenz Boy member 5 zet hungin, Best Music Video 2019 inhlanna hunser chu zani zan (June 21, 2019) khan Life Cafe, Rengkai Road ah, rimawi ngainatu le award ngainatu hai fekhawmin hunser hmang a nih.
Mi pawimaw dang dang fekhawm a ni a, chuong hai laia Chief Guest Pu Philip Khawbung, Commandant, CRPF chun Best Music Video 2019 - "Inher zai" Mukhenz Boyz hai kuomah an hlan.
COMMENTS