Fox Journal | CCPur, 19 July 2019: Life Café, Rengkai Road, CCPur a Hmar Tlangval Magician/Illusionist Robert Lalsansuok Zote @Ozaka R Magic/Ozaka Zote tia hrietlar puola Magical Night chu 18 July 2019 zan dar 6 - 9 PM khan hlawtling taka nei a nih.
Hun sawtnawte ah Media Partner Mamasi Cable & TC Network haiah hi Magical Night hi mipui en thei dinga suksuok ning a tih.
Magical Night hi hnam chitin ti thei ding Tlangmi bakah Sap, Vai le a dang dangin an uop chikim hle. CCPur DC thar Pawan Yadav IAS, Sap (American) 15 hawn vel, ISL player/Indian professional footballer Sana Singh, hnam ṭhuoitu le Journalist Hmasawnna Thar Asst. Editor le Spl. Correspondent, Financial Express, The Hindustan Times, Online News inlar tak tak palai hai khawm ṭhangin an uop a nih.
Hril tah angin Lamka Got Talent, CCPur Talent Hunt Trade Fair, Douglas Memorial High School, Birthday Party le a dang dang a hai show a lo nei tah hlak a, CCPur DC Shyam Lal Poonia IAS khawmin a show a lo hmu a, thiem a ti taluo leiin a naupa birthday lawmna a khawm show dingin a lo fiel tah a nih.
Ozaka Zote hi 23 July 2019 hin AIR in interview nei an ta, Media Partner hai khawmin hun sawtnawte ah ama le a team hai interview an nei ding a nih. Tuta hma met khan Manipur a Cable TV service hmasatak Hornbill Cable Network (HCN) in interview an lo neipui tah bawk.
Ozaka Zote hin a thiemthil, a tharlam hlawk Street Magic show khawm nei vat a tum le nuom thu a hril a. Team Ozaka le Youth Inspiration TV chun lo hlutsaktu hai popo le hun remchang siempuitu Life Café, Rengkai Road, CCPur/For One Life (Asia & International) chungah lawmthu an hril.
Ozaka Zote thiemthil show en nuom hai tadingin ama YouTube Channel https://www.youtube.com/channel/UC1PqYZd0t5Hu49CbAOrZUsw a hin en thei ni hlak a tih.
COMMENTS