Fox Journal | Hmarkhawlien: Tawṭannia Muslim hai nipui inserna ding le inzawma an inthawina sa sûng lâk le zawr khap tlat a nih. Hi thu hi Hmarkhawlien Village Authority (HVA) chun thusuok siemin bâwng sûng lâk khap a nina thu hi a'n suo a. 'Eid ud Adha' le inzawma bâwng thata um ding hâi sûng chu tu el khawma la lo dingin HVA chun a ngen a. Thu pêk pawisa loa bâwsetu an lo um a ni chun chuong hâi chunga action lâk a ni ding a nih a tih.
Rep.image
Hmarkhawlien khawsung mi ni lo; khaw dang hâiin bâwng sûng lâkna le inzawma Hmarkhawlien khawsung an hraw tlang ding khawm HVA chun a remti naw a nih.
Bâwng sûng lâkna le inzawma khawsungin hming sietna le muolphona vawi tam a lo tuok ta leia hi thil hi khap a ni san HVA thusuok chun a tar lang a. "Hnam dang; sakhuo dang hâi hme nuom lo, du lo, an dehawn le an hnâwl hâi rût le fatu ding ei ni nâw ti ei hmu chieng a. Khawsungin a khap lei ela bâwng sûng lâka fe naw ni loin mani chita har tum seng dingin ei inngen nawn a nih," ti'n HVA thusuok chun a târ lang.
Khawsung rorelna'n a ikhap thawluitu chunga action lâk ning a t'a. Hmarkhawlien khawsunga bâwng sûng phurluttuhâi chunga khawm action lâk ni bawk a t'a. August 12 khin khawsunga duty insiemin mana um hâi chu Rs 2,000/- inchawitir an ni bawk ding ni'n HVA thusuok chun a târ lang.
COMMENTS