HSA Pune Branch in Fresher's Meet hmang

0 Fox Journal Sunday, 11 August 2019

Fox Journal | Pune: August 10, 2019 (Inrinni) Khan Hmar Students' Association Pune Branch chun Fresher's Social Meet a vawi Sawmpasarina (17th) hlim le lawm tlang takin Bible Centre, Salisbury Park, Pune hmuna an hmang.

Hun hmasatak a Pastor Steven Lalzarzolien in Pathien kuomah hun hawng tawngtaina a nei a. Tv. Joseph Lalramsiem le Nk. Elizabeth Lalparmawi Pangamte haiin hnesaw takin hi hunser pawimaw hi keithuoiin program tan a nih.

Hi huna hin freshers Sawmthum (30) vel lawmlut an ni a. Fresher hai aiawin Nk. Priscilla V.L. Hruaii a inthawk thuhriltawi thatak ngaithlak niin Pune a lo um ta sa hai aiawin Pu Johny L.F. Tusing a inthawk infuina thucha ropuitak (Dan Sawmpek) ngaithlak a ni bawk.

Freshers hai ta ding bikin Pastor Jerry Lalringlien Amaw in tawngtaina a nei a. Chun, kum dang ang bawkin Mr le Miss Freshers thlangna neiin - Kum 2019 Mr le Miss Fresher hai chu Tv. Lalhmunthang Mihriemate le Nk. Lalthasawr hai an nih.

Hi hun hmang sung hin ei Hmar Artiste suongum tak tak hai - Joshua Hrilsiemlien Buhril, Nk. Clearance Mawite, Pu Nelson Khawbung, Tv. Joseph Changsan, Nk. Elyn Moody, Nk. Janet Pulamte, Pu Ralthangmawia Darlong hai a inthawkin hla mawi tak tak in mipui an inawia, mipui fe khawm hai an hlim tlang hle.

Hi huna hin kum 2019-2020 sunga HSA Pune Branch thuoitu ding (OB) Presiding Officer Pu Johny L.F. Tusing le Recording Secretaries Tv. H.D. Ramtharlawm le Tv. Peter Lalhrietsang Infimate hai kei thuoina hnuoia inthlangna tluong taka nei nghal a ni a. Thlangtling a umhai chu hieng a hnuoia hai hi an nih:

1) President - Pu Thangzairem

2) Secretary - Tv. Bonet H. Pangamte

3) Tv. Mordekai Hmar Pakuong

4) Tv. Thanglienkhum Zote

5) Tv. Johnson Lungtau

6) Tv. Ramluahmawia

7) Tv. Lalhmunthang Mihriemate

8) Tv. Immanuel Zote

9) Pu Faith L. Hranngul

10) Nk. Clearance Mawite

(President le Secretary ti lo Portfolio hai chu meeting hmasatak a siemfel ning a tih).

Thlangtling a umhai tawngtaipekna le infuina Rev. Jesai Neitham in a nei a. Hun tawptaka hun khar tawngtai le ruoi inhlanna Pu Samuel Songate Chairman HCFP in a nei zo in hmangaina ruoi inhnik tak el an kil tlang niin a hmun a inthawk FJ correspondence in a hung report.