Fox Journal: Rimawi le hla ngainatu hai ta dinga thu lawmum, Youth Entertainment chun rimawi tienga Award a siem chu a lo sunzawm nâwk tah.
Youth Entertainment Awards a hin category 8 hieng - Gospel female artist, Gospel male artist, Love song female artist, Love song male artist, Hmar folksong,
Songwriters (Gospel & Love) le Best music video male hai ning an tih.
Music Award nominees hai hi Instagram ah upload vawng an ni tah a, 9 - 15 September, 2019 zanril chen voting thaw thei a nih.
Huoihawttu haia inthawk thu dawng danin hi Award thlangna hi țum danga mi ang bawkin Youth Entertainment (Instagram) a vote hi pek ding a ni a, zani zanril a inthawk vote țan theiin a um ta niin an hril.
Youth Entertainment hi ieng pawl le khawm inzawmna nei a ni naw a, Hmar hnam sunga rimawi tienga țhang latu, chawimawi tlak hai chawimawina dinga in ngir a ni thu YE chun a hril.
COMMENTS