Fox Journal | CCPur (HT): Zani Inrinni khan Hmar Inpui Executive inkhawm a vawi 26-na chu Blue Room, JJ Plaza, Rengkai hmun a nei a nih. Hi inkhawmna a hin Assam Region tieng a palai le Hmar Inpui hnuoia pawl tum tum HCLF, HNU, HAA, HSA, HYA, HWA palai hai an țhang tawl.
Thu dang dang rel a ni a, chuong hai laiah – HPCD faction hai inkara Inpumkhatna ding a hmalatu pawl hai chu hnam sunga țhuoitu tum tum fekhawm hai remti nain sawi danglam a ni a, Convenor thar dingin Rev. Dr. V. Lalnghakthang, Co-convenor dingin Dr. Immanuel Zarzosang Varte, Co-convenor ding bawkin Pu Kenneth Lalhrietzing le Member dingin Pu Romeo Hmar le Rev. Benjamin Shakum hai an ruot.
Hmar Inpui finance committee siem nghal a nih a – Chairman dingin Upa Dr. Saidokhum, Secretary dingin Upa David L. Lungțau hai ruot niin Hmar Inpui Finance Secretary le Treasurer hai chu Finance Committee member an nih.
Hmar Inpui 10th Assembly a rel lo ni tah, Hmar Inpui Constitution Review Committee indin a ni bawk a. Chairman dingin Pu Joseph Lalrothang, Secretary dingin David Buhril le Inpui GHQ President le General Secretary hai chu member in țhang an tih tiin Hmar Inpui source chun a hril.
COMMENTS