Manipur University MSc Anthropology result suok ah Hmar nunghak Gold Medalist

Fox Journal, Imphal | 11.10.2019: Manipur University huoihawtna hnuoia Master of Science (Anthropology) examination nei a lo um ta chu vawisûn khan result puong a nih.

Result puong a um a hin Hmar nunghak Nk. PC. Elizabeth Lalramnghaki d/o PC Lalngailiana le Rebec Darneimawi, Rengkai, Tuiṭhaphai chu Topper a ni el bâkah Gold Medalist dinga puong a ni bawk. Nk. Elizabeth hin Award pahni zet a dawng sa a, chuong hai chu Governor's Gold Medal le Gurumayum Kanhaimacha Sharma Memorial Award bâkah Specialization Award(Physical Anthropology) Prof. T. Shyamcharan Singh Memorial Cash Award (Rs. 10,000) hai an nih.

A hlawtlingna hi Fox Journal chun ei lâwmpui tak zet a hmatieng hlawtlingna chu chang pei dingin ditsakna insângtak ei inhlân bawk.