Fox Journal | Tuițhaphai: Independent Church of India Kristien |halai Pawl, Lamka unit chun December 20-22, 2019 inkar sung khan Lamka ICI Biekin Campus ah Diamond Jubilee hlim le lawm takin an hmang a, Pathienni zan khan hi lawmna hunpui hi a lo țumțiek tah.
Rev. Varsangsanglur in Jubilee Lungdaw a hawng a, Alumni hai a’nthawk inpakna hla ' Halleluiah Chorus' niin, Jubilee Dar vuok ri a nih. Lawmlutna thucha Diamond Malsawmthang, Chairman, DJCC in hrilna neiin Youth Coordinator, ICI le Tuițhaphai Presbytery ICI K|P haiin chibai bukna hun an hmang a, Pu Laldatlien Tusing, Chairman, DJCC in Souvenir thlirlawkna a nei zoin Pi Lalsangzuol in Souvenir tlangzarna neiin Rev. T. Remthang Hrangchal in Pathien kuomah inhlanna a nei niin report chun a hril.
Jubilee lawmna hun sung hin Rev. H. Chungthang Thiek chu Jubilee Speaker a hmang a nih a, ICI Central Choir le Blessed Choir haiin hla a rawngbawlna hun an nei.
Jubilee lawmtu unit Lamka ICI KȚP haiin Pathien thu le inzawmin short play hmu nuom um tak el inentirna hun an nei bawk.
Jubilee hmang huna hin kum 60 sunga Lamka ICI KȚP a țhuoitu lo ni tah hai chawimawina thilziek inhlan an ni a, a ni pui niin Jubilee ruoi kiltlang a ni a. Zan hunah hla ruoi nei niin Pu Rambuotsai Tusing a inthawk Pathien thucha tawi ngaithlak a ni sa bawk thu report chun a hril a.
Lamka Unit in Diamond Jubilee an hmang ding le inzawm hin Music Video, Church football tournament, outreach ministry le thil dang dang thaw in an inbuotsai el bak ah, vawizan (Dec 23 hin) Lamka Țhalai in "Make a wish initiative" hnuoia kum tin a an lo thaw hlak angin Jubilee kum a ni le inzawm ni sa nghalin a thil nuom/dit tak (Wish) indawnin an suk puitling pek (tum) ding niin report chun a hrilsa.
Țhalai kum khat hun sung a entawn tlak tak Țhalai member nuhmei le pasal kuomah lawmpuina thilpek inhlan an ni bawk.
COMMENTS