Fox Journal || 19 December 2019:
Zani khan Capitol Hill, Washington, DC hmuna House of Representatives hai chun POTUS ni lai zing Donald J Trump chu an lo impeached der tah. House of Representatives haiin Donald Trump an impeach nasan chu: 'misused of powers' - hi hi chungthu a hin member 230 haiin an thlawp laiin member 197 in an kal. Impeachment article pahnina 'obstructing Congress' - hi hin member 229 haiin an thlawp laiin, mi 198 in an kal ve thung. Chun, lungrila hriet ve dinga țha pakhat chu US House of Representatives hi Democrats hai majority na hmun a ni leiin hi thil tlung ding hi hmulawk a nih, ti khawmin inkhel bek bek naw nih.
US Prez Donald J Trump hi an impeached ta si chun iem a President nina a la chel thei zing ding am ei ti chun, tu chena ding chun iengkhawm a President nina a la sukbuoi nawh. Kum thar (January vel ring a um) a hin House of Representatives hai thutlukna hi Senate-ah lutpui ni'ng a ta, hi hin Donald Trump a President nina a tla ding le ding naw chieng thei chau a tih. Senate a hin Senator 100 an um a, hieng lai hin Democrats le Independent chu mi 47 anni laiin, Donald Trump a party chanpui Republican mi 53 an nih. Chun, US President Donald Trump hi impeach thei ding chun, Senate a hin 2/3 majority hmu a ngai, chu umzie chu Independent le Democrats hai po poin an yes el baka Republican mi 20 in anni hi an thlawp ngai a tih.
Kum 73 a upa Donald J Trump hi US House of Representatives haiin an impeached leiin a POTUS nina a'nthawk a tla ding am naw ding chu hunin hung hril lem el rawseh. Amiruokchu, House of Representatives haiin an impeached le inruol khan, US history a ding chun US President impeached thei laia a pathumna a hung ni tah, pahni dang hai chu Andrew Johnson le Bill Clinton.
COMMENTS