Fox Journal | Shillong | 26.02.2020: Evangelical Free Church of India (EFCI) General Assembly vawi 47na chu hung tlung ding February 26, 2020 a inthawk March 1, 2020 inkar sung khin “Kristien Nun Puitling” (Christian Maturity) Hebrew 6:1 thupui-a hmangin Evangelical Centre, Demthring, Shillong ṭu ah nei ning a tih.
Vawisûn, February 26 zingkar dar 7 ah Pastoral Committee le Pastor exam nei ania, 10:30AM in Central Ramthar Board inṭhung le 6PM in Assembly Musical Committee inṭhung a nih. February 27, 2020 10AM in 102nd Executive Council inṭhung nîng a ta, Feb. 28, 2020 le Feb. 29, 2020, 10:00AM haiah Assembly rorelna um a tih.
Feb. 29, 2020 zan dar 6:30 PM in General Assembly mipui inkhâwm (worship service) nîng a ta. Chu hunah Rev. Lalrotluanga Darngawn, Secretary, EFCI in General Assembly Worship Service hawngna neiin, President, Bibles For The World le President, EFCI haia inthawk report ngaithlak nîng a tih.
March 1, 2020, 10:00AM Assembly mipui inkhâwm hunah Moderator, EFCI le President, EFCI han Ordination & Commendation of the Seniors hun lâng an ta, Rev. Dr J. Huoplien Neitham, Moderator, EFCI in “Kristien Nun Puitling” ti thupui hmangin Pathien thucha hril a tih.
March 1, 2020, 2:00PM chawhnung inkhâwm ah Sunday School inchûktirtu le Kohran Upa chawimawina hun hmang nîng a ta, Assembly thupui hmangin Rev. Lalbiektluong, Vice President, EFCI in thu hril a tih.
March 1, 2020 zan dar 6:30 Assembly ṭumṭiek zân Installation Service, Moderator, EFCI le President, EFCI in nei an ta, Rev. Lallienvel Pakhuongte, President, EFCI in Pathien thucha hril a ta, Rev. Lallienthil Selate, PS, Cachar Presbytery in Benediction in Assembly khârna nei a tih.
Assembly sung hin EFCI Central Choir le Presbytery Choir haia inthawk inpakna hla ngaithlak ni bawk a tih.
Mipui inkhâwmna hai Live Streaming pêk dingin buoipui mêk ania, streaming hun ah Facebook le Whatsapp Groups a hai a link hung thawn thar nîng a tih.
With inputs from Samuel Lalbelsang [ Chief Administrator / Correspondent (Shillong), Fox Journal ]
COMMENTS