CCPur: Tuițhaphai sunga sausage product hieng Lengmaser (Lomba), Bachikhawm (Bakhawr), rawtuoi flavour le India rama a hmasatakna Mithun meat sausage hai pesuok le siemtu tak meat processing brand KING KONES by LAMKA FOODS hai chun an țan a inthawk a kum 2 tling lawmna zanikhan Gilgal, Rengkai Road ah an hmang.
KING KONES’ ta dinga mi pawimaw le fiel bik hai Manager M. Bishorjit Singh in lawmlutna hun a hmanga, Rev. Alan L. Țhiek, Sielmat Bible College lecturer in țawngțai hun hawngna hmangin lawmna hunser hi hmang a ni a. KING KONES founder Sarah Hmingrimawi in lawmthu hrilna hun hmangin Rev. Varsanglur, Local Pastor, Lamka ICI Church chun hi lawmna hunser hi țawngțaina in a khar a nih.
KING KONES hai hi a hma chun ice cream siem le pesuoktu an lo ni hlak a, amiruokchu, ice-cream chauh siem ta loin, saa fak siemna tiengpang khawm nasa takin an tan thara, KING KONES product hai hi India hmarsak biel tum tum Aizawl, Kohima, Dimapur, Mokokchung, Guwahati le Itanagar a hai khawm inchawk ding a um tawl ta a. Bhutan a khawm a um vat ta ding niin KK statement chun a hril a
KING KONES siemtu LAMKA FOODS hai hi Churachandpur district sung a ISO CERTIFIED Private company umsun niin an statement chun a hrilsa.
COMMENTS