Fox Journal | Pune: Union Biblical Seminary, Pune Convocation & Valedictory Service 2020 chu liemtah Inrinni Feb 29 khan hmang a ni a. Hi Convocation & Valedictory service a hin Hmar mi pali (4) hai chu Bachelor of Divinity (B.D) a inthawkin an graduate thar a nih.
Tukum 2020 a Valedictory service a hin mi 166 an Graduate a, M. Th (Master of Theology) ah 37, B. D (Bachelor of Divinity) ah 48, M. Div (Master of Divinity) ah 61, B. Th (Bachelor of Theology) ah 12 le MTW (Ministerial Training for Women) ah 8 an graduate bawk.
Bachelor of Divinity (B.D) a inthawka Hmar mi graduate thar 4 hai chu - Johnny Laldinthar F Tusing,HD Ramtharlawm, Joshua Hrilsiemlien Buhril le Peter Lalhrietsang Infimate hai an nih.
Graduate pali hai laia hin UBS a tlangmi kai hai laia dingin Mr. Johnny Laldinthar F Tusing (B. D) chun academic Award 8 dawngin UBS record a siem a.
A award dawng 8 hai chu - Overall Excellence in Academic Performance, Church History and Missions, Christian Ministry, Contextual Theology, New Testament Exegesis (Greek), Old Testament Exegesis (Hebrew), Preliminary Greek le Biblical Studies a hai a dawng a nih.
BD zo hai bâka hin Hmar Christian Fellowship Pune members Pi Ruthi Darlong le Pi Ziki Darlong hai khawmin Ministerial Training for Women an zo ve niin a hmuna a inthawk report ei dawngna chun a hril.
COMMENTS