Fox Journal | Imphal | 29.04.2020: Sinlung Organic FPC, Pherzawl District chun tulai hri lêng ei do mêk le inzawm in Manipur Chief Minister Relief Fund a dingin Pherzawl District ngeia chîng Aithîng Bag 100 zet chu CM Secretariat, Imphal hmun ah Pu N. Biren Singh, Chief Minister, Manipur kut ah an inhlân.
Inhlânna hunser a hin Manipur sawrkâr tienga Ministers, MLAs le Officials ṭhenkhat bâkah Pherzawl District Administration ṭhuoitu haiin an uop bawk.
Pu N. Biren Singh chun inhlânna hunser zoa thuhrilna a nei naa Pherzâwl District-a Aithîng chîngtu hai chungah lâwmthu a hril a, kum 2017 a State Level Ginger Festival hmang ani hun a khan sawrkâr in ṭhangpuina 20 Lakhs cho a pêk a, amiruokchu tuhin financial transaction 12 Crore zet an nei ta niin a hril. Hieng aithîng pêk a um hai hi MLA hai fethleng in biel tin a lo sinthaw hai kuomah sem ani ding thu a hril sa bawk.
Sinlung Organic FPC chun State Level Ginger Festival 2017 hun a Chief Guest-a a uop le ṭhangpuina a pêk chu Pherzâwl District sûnga aithîng chîngtuhai nasatakin a ṭhangpui bâkah aithîng chîng a um hai hriet a hlaw na chungthu ah Pu N. Biren Singh, CM, Govt. of Manipur chungah lâwmthu a hril bawk a nih.
Photo: Pu N. Biren Singh, Chief Minister's Official Facebook Page
[with inputs from Fox Journal Correspondent, Imphal]
Inhlânna hunser a hin Manipur sawrkâr tienga Ministers, MLAs le Officials ṭhenkhat bâkah Pherzawl District Administration ṭhuoitu haiin an uop bawk.
Pu N. Biren Singh chun inhlânna hunser zoa thuhrilna a nei naa Pherzâwl District-a Aithîng chîngtu hai chungah lâwmthu a hril a, kum 2017 a State Level Ginger Festival hmang ani hun a khan sawrkâr in ṭhangpuina 20 Lakhs cho a pêk a, amiruokchu tuhin financial transaction 12 Crore zet an nei ta niin a hril. Hieng aithîng pêk a um hai hi MLA hai fethleng in biel tin a lo sinthaw hai kuomah sem ani ding thu a hril sa bawk.
Sinlung Organic FPC chun State Level Ginger Festival 2017 hun a Chief Guest-a a uop le ṭhangpuina a pêk chu Pherzâwl District sûnga aithîng chîngtuhai nasatakin a ṭhangpui bâkah aithîng chîng a um hai hriet a hlaw na chungthu ah Pu N. Biren Singh, CM, Govt. of Manipur chungah lâwmthu a hril bawk a nih.
Photo: Pu N. Biren Singh, Chief Minister's Official Facebook Page
[with inputs from Fox Journal Correspondent, Imphal]
COMMENTS