FOX JOURNAL THUZIEK | BE A RESPONSIBLE RAMDANG RETURN
By Pulamte Rose
Ei khawvel hripui mi nuoi leiin ramdanga um tamtak Evacuation process a fe meka. A batch batch a inthakdawk in veng tlung mek le lama châm mek ei uma.
Chuonglaia thil pawimaw em em ka ti chu ramdang anthawka kir hai hin nikhawchang hriedeuin um inla nuom a um hle. Tamtak anlo fel elthei anachu ṭhenkhat mi hnawtsak le mi sawlna va sukpung tu eini thei a nih. Ei hrietsenga tulaitaka alotheilo leia vengsuok hai hi ei hlu naw hle. Nidang anga hlim le innui vur vura mi tuoktu chu ei sung hai bâk anni ta nawh. Einikhawm ei nuom lei ani bik nawa, ei ngirhmun in a zir ta naw leia suok einia chuleiin ei ngirhmin mi ngaituoin sawrkar pa nileh venga hai nileh anmi ngaituona leia suok theia ei um hi lawm a umin a hlu hle a nih.
Hi hripui hi mitinin ei ṭi senga chuleiin ei umna hmunseng bak ei insawn ngam nawh. Mani inkawl hai hung leng le ei va leng chen khawm ei inṭituo seng anih. Chuong karlaka ramdanga inthawka hung lut hai lem chu anmi lawmlut lai zingin anmi hawphur hle thung ani. An bauin an hrildawk nawa chu an lungrila an ngaituona suksawltu pakhat a nih. Manipur lem chu Green Zone anga ngai anachu thuthar tak ei hriet angin ngirhmun inthlengthut theizing ani leiin ramdang abikin Red Zone a inthawka hung hai lem chu anmi nêl naw hle. Chuleiin hiengang ani sa sa khawma mani mi le sa tia nasataka milo lawmluta ei umna ding, ei renga ei himna ding tia Quarantine Centre anlo buoipui hai lawm a um hlea, a lut hai khawm lawmna chang hriea umdân thiem dingin ei infiel a nih. Mi mitkham ,mi hnam zawng le mi theida thawlo le hrillo dingin nasatakin ṭhang lang eitiu. Ei renga ei ṭhangtlang chun ei renga ei himna ding ani ti hi hriezing eitiu.
Ramdanga ei umna le tekhi nawng eitiu, first class service beisei nawng eitiu. Damtaka mani veng ei piengna ram ngei ei tlung thei kha lawmin Hotuhai thu zawm le a rinum am anhawi am, thuawi taka um hi a pawimaw anih.Ramdanga um theinaw, hmungailo le lo um ngailo khawm anni bik nawa, chuleiin intipui rak le mengsang rak hi thawlo chi ani. Thuhnuoirawl le inngaitlawm takin thuawi inchuk eita, hieng po po zovah mani in lum ngeiah aneka nasaa duot eila hlaw ding ani ti beiseina in thlir zing eitiu.
Venga lo buoipuitu po po, umna ding hmun inhlantu le hlaw nei khawm nilova hmangaina leia sawl taka lo bawisawmtu po po inpâk an um hle. Ṭi le hnâm ena en loin hmangaitaka inmi lo lawmlut hi kan beiseina a nih. Kan lawm cheu.
Hieng po po ei ngaituo chun mani venga kira Mile za tam kea lawna ,lamlaka fak le dawn umlo, nu le nau le inkeibât annawleh inlum tlung hman lova muolliem tamtak hai chanchin ei tiem lem chun vangnei chungchuong eini ti hi inhmai nawng eitiu.
Pathienin ei rengin damna hriselna mi peng ata, hunthar nithar eila tawng ngei ei beisei anih.
By Pulamte Rose
Ei khawvel hripui mi nuoi leiin ramdanga um tamtak Evacuation process a fe meka. A batch batch a inthakdawk in veng tlung mek le lama châm mek ei uma.
Chuonglaia thil pawimaw em em ka ti chu ramdang anthawka kir hai hin nikhawchang hriedeuin um inla nuom a um hle. Tamtak anlo fel elthei anachu ṭhenkhat mi hnawtsak le mi sawlna va sukpung tu eini thei a nih. Ei hrietsenga tulaitaka alotheilo leia vengsuok hai hi ei hlu naw hle. Nidang anga hlim le innui vur vura mi tuoktu chu ei sung hai bâk anni ta nawh. Einikhawm ei nuom lei ani bik nawa, ei ngirhmun in a zir ta naw leia suok einia chuleiin ei ngirhmin mi ngaituoin sawrkar pa nileh venga hai nileh anmi ngaituona leia suok theia ei um hi lawm a umin a hlu hle a nih.
Hi hripui hi mitinin ei ṭi senga chuleiin ei umna hmunseng bak ei insawn ngam nawh. Mani inkawl hai hung leng le ei va leng chen khawm ei inṭituo seng anih. Chuong karlaka ramdanga inthawka hung lut hai lem chu anmi lawmlut lai zingin anmi hawphur hle thung ani. An bauin an hrildawk nawa chu an lungrila an ngaituona suksawltu pakhat a nih. Manipur lem chu Green Zone anga ngai anachu thuthar tak ei hriet angin ngirhmun inthlengthut theizing ani leiin ramdang abikin Red Zone a inthawka hung hai lem chu anmi nêl naw hle. Chuleiin hiengang ani sa sa khawma mani mi le sa tia nasataka milo lawmluta ei umna ding, ei renga ei himna ding tia Quarantine Centre anlo buoipui hai lawm a um hlea, a lut hai khawm lawmna chang hriea umdân thiem dingin ei infiel a nih. Mi mitkham ,mi hnam zawng le mi theida thawlo le hrillo dingin nasatakin ṭhang lang eitiu. Ei renga ei ṭhangtlang chun ei renga ei himna ding ani ti hi hriezing eitiu.
Ramdanga ei umna le tekhi nawng eitiu, first class service beisei nawng eitiu. Damtaka mani veng ei piengna ram ngei ei tlung thei kha lawmin Hotuhai thu zawm le a rinum am anhawi am, thuawi taka um hi a pawimaw anih.Ramdanga um theinaw, hmungailo le lo um ngailo khawm anni bik nawa, chuleiin intipui rak le mengsang rak hi thawlo chi ani. Thuhnuoirawl le inngaitlawm takin thuawi inchuk eita, hieng po po zovah mani in lum ngeiah aneka nasaa duot eila hlaw ding ani ti beiseina in thlir zing eitiu.
Venga lo buoipuitu po po, umna ding hmun inhlantu le hlaw nei khawm nilova hmangaina leia sawl taka lo bawisawmtu po po inpâk an um hle. Ṭi le hnâm ena en loin hmangaitaka inmi lo lawmlut hi kan beiseina a nih. Kan lawm cheu.
Hieng po po ei ngaituo chun mani venga kira Mile za tam kea lawna ,lamlaka fak le dawn umlo, nu le nau le inkeibât annawleh inlum tlung hman lova muolliem tamtak hai chanchin ei tiem lem chun vangnei chungchuong eini ti hi inhmai nawng eitiu.
Pathienin ei rengin damna hriselna mi peng ata, hunthar nithar eila tawng ngei ei beisei anih.
COMMENTS