FOX JOURNAL THUZIEK | MOTHERS' DAY SPECIAL
THLARAU THIENGHLIM LE NU HAI SINTHAW IN ANGNA
Ziektu: Zairemthang Songate, Pune
Thuhawngna :Tukum kum 2020 Mother’s day ei hang tlung thei nawk el hi lawm a
umin Pathien á¹huoina zar chau ani
a, natna á¹ibaiumtak khawvel in
a hmasuon zing leiin Biekin a fekhawmin in ser thei an ta nawh. Amiruokchu
Biekin a fe khawm a in ser hi a pawimaw tak ani naw a,a pawimaw lem chu mitin
in mani lungrila in ser a, Nu hai ei hmangaizie nuntak nei a phursuok/târlang hi a pawimaw lem a nih ti chu ei hung hril lang hmasa a nih. Mihriem a insieng ta reng reng hai chu Nu a
inthawk a ni a, mihring hringnun a hin Nuhai hi an pawimaw hle in thilpawimaw
tak laia pakhat nina chu hmun an hluo a nih.
Nuhai ni a ni leiin Nuhai ni an á¹an dan, iengleia ei hmang nasan dam, chawimawi le lawmthu hrilna
thusep ziek âwm hle sienkhawm, chu
tieng âwnah ziek ni lovin Thlarau Thienghlim le
Nuhai sinthaw in angna thu tlawmte á¹henawina panga (5) in ei hung ziek lem ding a nih.
Thlarau Thienghlim sinthaw le
Nuhai sinthaw in angna ei hung tekhi hi
tiemtuhai mak ti le a barakhei hiel a
kai phak ring a um. Amiruokchu ei thuhring
BIBLE a hin Thlarau Thienghlim
pawimawna le sinthaw ei hang biechieng tak tak chun, Nu pawimawna le sinthawhai
leh a lo in angna á¹hahnem tak el hmu
thei le hrietthei a nih. Chuleichun, hi ei thusep, a chunga THUPUI a ei hung
hmang hi ei hung zieksuok a nih.
Thlarau Thienghlim
le Nu sinthaw in angna hai -
1)Insiengna/Sukhringtu :
Mihriem hi taksa putin ei hungin insieng / piengsuok ding hin Nu a inthawk a
ngai a, tukhawm Pasal taksa/phîng a
inthawka hung piengsuok ei um ngai nawh. Nu chun a phîng sunga thla kuo zet
inrim le na tak puma ami pai hnungin, Nu a inthawk chun taksa neiin ei hung
piengsuok ani a. Nu le nau inlaichinna chu thisen el bakah, ei inlaichinna Nu
phîng sunga ei um laia ei lairil inzawmna hi a nih. Nu nautak nina mi sukchiengtu chu Nu ngeiin a thisenin mi
vawna, taksa neia ama a inthawka
hung piengsuok le a mi hringsuokna hi a
nih.
Chuongang char chun Pathien
in khawvel a siem/khawvel insieng ding khan Thlarau Thienghlim khawm a siemtu
laiah a á¹hang thu
Genesis 1:1 “ A tirin Pathien in
hnuoi le van a siem a” ti thu ei hmu a nih. Hi châng a hin TRINITY hmu thei
in a um a,God the Father,God the Son le
God the Holy Spirit hai pathum chu an nih, Pathien pakhat chau ni zing
siin. Thlarau Thienghlim hi Trinity ah mi pakhat ani ve leiin, Pathien in khawvel a siemna a
chun Thlarau Thienghlim chu a á¹hang ve zing
a nih.
Thlarau ram taka khawm
Thlarau Thienghlim chu a pawimaw hle a nih, a bîkin piengtharna a hin. Pathien
nau nina ding chun Pathien Thlarau ei nei le Thlaraua piengthar ei ngai a nih. ISU KRISTA le NIKODEM hai pahni
chungchang a khan, ISU KRISTA in NIKODEM
kha Thlarauva piengthar ngei ding le mak ti lo dinga a hrilna Johan 3 :5-8 lai haiah ei hmu a nih.
Sukhringtu chu Thlarau a nih ti Johan
6:63 a ei hmu a, Thlaraua piengthar le á¹huoia um hai chu Pathien nau le Tisa a pienghai ruok chu tisa nau ei
nih. Chun Rom 8:6-11 a chun Krista
Thlarau neinaw chu Ama mi a ni nawh thu
ei hmu a. Taksa ram taka ei insiengna le piengna hai chu ei nu indiktak an ni
ang hrimin Thlarau ram a ngei khawm
piengthar ei ni ding chun ei insiengna le piengna chu Thlarau Thienghlim
a ni a ngai a, chuleichun Thlarau Thienghlim le Nu hai sinthaw hi a pawimaw dan
an ang hle a nih.
2)Thlamuongtu : Nuhai hi nauhai ta ding chun thlamuongtu le thlamuongna petu an
nih. Pa le nau inkar inlaichinna nekin Nu le nau inkar inlaichinna hi a á¹ha lemin iengkim an langtlang lem ti inla ei hril suol kher ring a
um nawh. Chuleichun , nauhai nun thurûk, harsatna le hlimna lawmnahai hi Nuhai
chun Pahai nekin an hriet lem in an ngaituoin lungril an pek lema, nauhai khawm
chun Pahai nekin Nuhai hi an inhrietpaw pui lem hlak a nih.
Nauhai hin an
hringnun a hin harsatna, mangangna le zanthim an hraw châng ni hin, Nu hai hi an ngai ngawi ngawi a, an ângsûnga um thlakhlâ in thlamuong um an ti em em el a nih. Insûng a ringawt khawm hin Nu tak a um naw chun, Insûng hi a ruok huou in Nauhai chun Nu tak chu khawlam a um tiin an
zawng mawl mawl el hlak a nih. Nu tak a um hin chu nauhai inhawi an tiin an
thla a muong tak zet a, chuongang chun
Pahai tak khawm chun inhawi an ti ve hle a nih. Insûng khawsak
nitin inrêlbawlna kawnga khawm hin Nu tak a um naw chun a fel famkim thei naw
a, thla khawm a suk muong um naw hle a nih. Nuhai awp lum le awp lum lo
hringmal nun le sûngkuo nun thlamuong um zie a kar a hla khawp el a nih.
Ringtu kalchawina lamtluonga hin, Pathien in
a mi thlamuongtu ding Thlarau Thienghlim a mi pek thu le Thlarau Thienghlim chu
thlamuongtu a nih ti Bibleah hmun
iengzam ani ah ei hmu a,tlawma zâwng suk lang
ei tih. Johan 14:26 & 27“ Chun
Thlamuongtu, Thlarau inthieng, Pain ka hminga a hung tir ding khan,ama chun
iengkim inchûktir a ti cheu a,a kuoma ka hril popo kha inhriet suoktir nawk a ti
cheu. “Thlamuongna ka mâk pêk cheu hi;keima thlamuongna ka pêk cheu a;khawvêlin a pêk ang cheuin
ka pêk naw cheu hi.In lungril lunginzîng naw raw se,á¹i khawm á¹i naw raw
se.”
Eini Ringtu Pathien nauhai hi á¹itna thlarau ni lo, Thlamuongtu Thlarau Thienghlim pek ei ni le ei
nei hi mi vangnei tak chu ei nih. Ramtiem ram ei panna lampui a hin, inthim
chunga roreltu le van hmun haia thlarau suol umhai chu an hrâng na sa em em a, thil an thaw thei in thlaphâng deuva min umtir char char dingin iengtiklaikhawm á¹hang hi an lâk zing chu a
nih. Mihriemhai hi mi hratlo, mi dawizep, thlaphâng awl em em el ei ni leiin, suol thilthaw leia thlasietak, thlaphângtak le á¹i dawr dawra ei um
ding anih ti Pathien chun a hrietchieng em leiin Thlamuongtu ami pek anih.
Hieng anga á¹hangpuitu le
Thlamuongtu ami pek hnung khawm hin á¹i dawr dawr
le thlamuonglo tak hunah ei um chang a bo chuong der nawh a. Pathien nau ni ta
in la khawm, Thlamuongtu Thlarau Thienghlim pek ni naw lem in la chu ei damsûng hun popo thlaphângna le
thlamuonglo na ngawtin ei damlai nun ei hmang ring a um.Pathien hin a nauhai a mi
hmangai hle thu le Thlamuong taka um dinga ami dit thu a hung puonglang thu
ngaituo le hrietsuok thei in a um.
Damlai nun chauva
Thlamuongna ni lovin, thi hnung khel tieng, Thlarauvin taksa a suoksan ding
nisien khawm khawvel in a pek theilo Nun Thlamuongna le lawmna chen ami pek sa
anih. Khawvel mihai nei phaklo, thlamuongna zedik Pa kuoma thlamuong taka min
chawltirtu ding ,Thlarau Thienghlim thlamuongna le umpuina ei zuk nei el dam
hi,ei vangnei chungchuong hle anih.Thilthawtheitak le zaidam tak el,Pa kuoma min chiktu Thlarau Thienghlim(Ephesi 1:13
&14) ei chang hi a thlamuong um tak zet a nih.
3)Èšawngá¹aimi
: Ringtu Isu Krista hnung zuitu ei ni leiin, Nuhai hin nauhai ta dinga an á¹awngá¹ai hlak anih ti chu ei in hmai nawh a, nauhai
nuna pawimaw tak el chu Nuhai á¹awngá¹aina hi anih. Mi ringum tamtak a inthawka á¹awngbau
ka lo hriet ve pakhat chu, “hieng ang nun inhawitak ka nei thei nasan
chu ka Nu mi á¹awngá¹ai pekna le a á¹awngá¹aina
ra anih” ti chu anih.
Ka nu khawm hi ka ta
ding hin ringna le ringtu nun le taksa ram
taka tiemtlâk nun ka nei theina
dingin, ami á¹awngá¹ai pek ngun em em anih
ti chu inphat ruol lo anih. Tu chena ka nu á¹awngá¹aina ka la theinghil thei á¹hak
naw pakhat hei suklang zawk ka tih. Pawl XI (sawm le pakhat) kan chûklai,nikhat
chu ka ruolhai mi pahni leh school khawm tlung lovin class kan bunk a,sûn phingá¹am
chun Zenhang Bazar sunga hotel pakhata iná¹hungin, insuk khawp kan tuma,chuonglai tak chun ka ruolpa Pa chu bei inchaw dingin a hung lut
a,kan zukin hmu khâwm tawl chu hril a hai nuom hle. Iengkhawm hril lo chun intieng a kîra,chanchin um dan ka nu a lo
hrila, zantieng in kan in lawi,in ka zuk tlung chu ka Nu chun pindan sunga mi
ko lût nghalin,ka suksuolna veka chun ngaidam an hni a, BIBLEkei dawkin ka lu chunga innghatin mitthli far á¹uk á¹uk pumin
ami á¹awngá¹ai peka, hrilding a vang in a hamhai thlak tak zet el. Nauhai
suksuolna leiin mitthli tla puma mi á¹awngá¹ai pektu ka Nu hi ka ngaisang hle in mi huoisen nina TITLE keima tâwk tâwk chun ka lo pek ve anih.
Chuongang chun Thlarau Thienghlim chun ei ringtu kalchawina a hin hrat lo tak
ei ni ti a hriet leiin ei ta dinga ami á¹awngá¹ai pek thu Rom
8:26 “Chuong ang bawkin,Thlarau chun ei hratnawnahai ami á¹hangpui hlaka;ieng
anga á¹awngá¹ai ding am a ni tiei hriet si nawh a; nisienlakhawm, Thlarau chun
inrûm hril ruolloin ami á¹awngá¹ai pêk hlak” ti thu ei hmu anih.
Thlarau Thienghlim hi
emotions nei,lungngaithei,lunginzing thei, suknuorthei le suk lawm thei anih ti thu Ephesi 4:30, Hebrai 10:29 le Luka 10:21 a hai ei hmuh. Chuongang mi
chu ani leiin, ringtu nun kal ei chawina le Pathien hnung ei zuina kawnga hin,ei
hratnaw zie,ei ringum zo naw zie le ei chau awl zie hi a mi hrietchiengin a
lungril vawitamtak suklungzingin suk na tang ei tih.
Pathien hnung ei zuina le ringtu nun puitling tak ei nei theina ding hin iengtiklai khawmin inrûm hril ruol loin ei á¹hatna ding
hin ami á¹awngá¹ai pek zing hlak anih. Chuleichun mani khat chauva á¹awngá¹ai ni lovin, á¹hangpuitu,iengtiklaikhawm ei á¹hatna ding le Pathien hnung le a lampui ei hraw thiemtheina dingin
Thlarau Thienghlim chun ami lo á¹awngá¹ai pek ve zing hlak anih. Mi thlathlam ngai der lova mi á¹awngá¹aipektu ei nei hi ei
vangnei hle.
4)Inchûktirtu : Nuhai hin nauhai an hmangai le thilá¹ha tinreng an ditpui lei hin Pathien thu, umdan ding le thilá¹ha tinreng an inchûktir a, Nuhai
hin an nauhai suol le á¹hanawtaka um dingin
an inchûktir /an hril ngai naw anih. Thil
iengkima mi á¹hangpui nuomin thilá¹ha lampui a chun mi á¹huoi lut an
tum lem hlak. Ka nu hi khawvel le
Pathien thuah thiemna le varna hril ding nei naw sienkhawm,a thei tawkin a nauhai
hi Pathien thu le thilá¹ha /nun hmang dan
ding hi ama tâwk tâwk hin amin chûktir hlak a.
Ka Nu min chûktirna le a á¹awngbau ienglai khawma ka theinghil theilo pakhat chu “ In Nu le Pahai hi á¹awngbau in kan
hmangai cheu mi ti in,pará¹hi mawi tak tak min awrtir in la cheu khawm,in nun hmang a á¹ha nawh a, in
nunin in mi hmangai zie a suklang naw chunlawmna tak tak inchang naw nih,
Pathien dit anga hringnun á¹hataka in hmanga, min za na funghrawl inkengkaw zing chun kan lawmna
tak tak tling lem a ta,in mi hmangaizie in langzuol lem a tih” ti hi anih. Hmangaina leiin Nuhai chun nauhai hi Pathien ditzawng
le taksa ram taka nun á¹ha le puitling ding
hin an min chûktir hlak anih.
Thlarau
Thienghlim khawmin ei nitin ringtu nunkalchawi dan ding amin chûktirthu hmun á¹henkhat hei tarlang ei tih. (Johan
14:26, 15:26, 16:13, Luka 12:12, Revelation 2:17.)
Thlarau Thienghlim chun Pathien thutak,thuhring
Bible fe thlenga a ziekhai chu min hirettirin amin chûktir a, ei sungril nun a hin chu thutakhai chun ami biek ran hlak
anih.Iengkim hretu le suisuoktu ani leiin thudik le lampui indik Pathien
ditzawnghai chu a hrietchieng a,chu lampui chu hrawdik ngei dingin
iengtiklaikhawm ami hrilhriet in amin chûktir anih.
Pathien hi
Thlarau anih a, Bible khawm hi Thlarauva ziek ani leiin, Pathienthu khawm hi
Thlarau hrilfiena le Thlarauva naw a laimuril tak hrietfie thei an naw a. Tisa
ram a chun Bible hi hrietfie le hrietthiem tak tak thei an nawh.Thlarau le Tisa
chu inkal,inrem thei lo an ni tlat leiin,Pathienthu inril tak tak hai hi
Thlarauva chau chun suisuok le hrilfie thei chau ani hlak,Pathienthu hai chu
Thlarau Thienghlim chau naw chun tukhawmin an hrietchieng thei naw a an
sukhring thei bawk nawh.Sukhringtu chu Thlarau anih (Johan 6:63).
5) Suisuoktu : Nu in nauhai a hmangai em em le thisen inzawm tlat an ni leiin Nu
chun nauhaichu a ngaituo hlak em em a, iem a chang, ieng ang ngirhmun am a
ngir,a damá¹ha am a damá¹ha nawh ti thu hai hrenuomin lungril takin a suizui char char hlak a
nih. Ka tleirawl á¹antîr nun zalen tak hmang
nuom hun lai khan, zana hin zansawt tak tak leng hi ka chîngin inhawi ka ti khawp ela,sawt tak tak leng lang khawm ka Nu hin
ami lo nghak in a mi lo insan ngai mang nawh. In kan lawi insung ka hang lut
chun ka nu hin—Mama sawt tak tak leng ta ngai naw rawh, lungril I suksawl in
thilá¹ha naw tuok pal i tih ti in, in thei
lovin ngaituonaah I um char char a, ka suizui char char hlak che anih ti in ami
hril hlak.Kha hun lai khan nun zalen tak hmangnuom ka ni hlak lei
khan,hrietthiem le rîlrem kha chu an tak
hle, amiruokchu kum tieng ka hung upa deu deuva,hmangaina le ngaituona á¹awngbau anih ti ka hrietthiem ta in lawmna lungril ka nei lem tah.
Thlarau Thienghlim hi
suisuok hlak tu anih ti chieng takin “1Korinth
2:10 -Keini ruok chu chuong chu Pathienin Thlarauin a min hriettir ta a nih;
Thlarau chun iengkim a suisuok hlak sih a:anih,Pathien thu inril khawm”a
chun ei hmu a nih. Thlarau Thienghlim hi thil suisuokmi tak el,mihriem hrietna
le varna in a suisuok el theilo Pathien thu inril tak takhai le mihrem lungril
inthûktak khawm suisuok theitu anih. Pathien
thu, mihriem hrietfie thei dan ding le hrilfie pek hlak tu khawm Pathien
Thlarau Thienghlim sinthaw ngei chu
anih.
Thlarau Thienghlim hin
Pathien thu chau suisuok lovin mihriem lungril inthûktak ngaituona, mihriem suolzie le suolnahai suisuok hlaktu ani bawk
anih.Ei nitin ringtu kalchawina,Thlarau ramah iengang ngirhmun âm ei um,ei chauvin khawlai
hmun âm ei inpal thluk,iengchen a hla le inthûkin Pathien ei lo invakhmangsan tah,ienganga suol am ei lo ni tah a
ti hai Thlarau Thienghlim chun mi hung zawngsuoka mi hrilin ami hung suisuok
hlak anih ei umna hmun chuh. Chuongangchun Thlarauva ei umna hmun mi hung
hrilin Thlarau mitvarna a min thuomin insiemá¹hatna lampuia chun a mi á¹huoikir nawk
hlak anih.
Thukharna:
Ei ram,Kohran(Denomination) nun le mimal (Kohran zedik) nun hi,ei hang enchieng
a ei hang bichieng hin,Thlarau Thienghlim le a sinthaw hi ei ngaipawimaw nawh a,ei
ûksak rak nawh a,ei ngai mak in ei ngai thupui
rak naw mani aw ti thei dingin a um. PA le NAUPA huna chêng ei ni ta nawh a, THLARAU
THIENGHLIM huna cheng ei ni lem tah tuta eini Ringtu,ISU KRISTA hnungzui hai hih.Chuleichun
PA le NAUPA huna an pawimaw ang char khan,tuta KOHRAN (mimal), Ringtu kal ei chawina mek a khawm hin THLARAU THIENGHLIM hi a pawimaw ve hle
anih.
ISU KRISTA in THLARAU THIENGHLIM ami maksan pek hi mi thlamuongtu ding ringawt a
ni nawh a, nitin Ringtu nun ei hmangnaah mi á¹huoitu,Pathien thutak mi hrilfie pektu le lampui indik a mi á¹huoiluttu chu anih. Èšitna le châu
hunah huoisenna le hratna mi petu, Pathien thil thaw mak tak tak (miracles)
phursuoktu le suklangtu anih.
Taksa ram takamihriem
hringna le hringnun a NU a pawimaw ang char hin, Pathien nau hai ta ding
chun,Ramtiem Ram, Van Jerusalem ei pan mekna lampui a hin THLARAU THIENGHLIM hi a pawimaw hle anih. PA le NAUPA ngei khawmin an ngaipawi hle leiin THLARAU THIENGHLIM hrilsiet á¹i um thu le hrisetu ruok chu ngaidam an ni naw ding thu Matthai 12: 31 ,Marka 3:29 a hai ei hmu
anih. Tiemtuhai po po Pathien in malsawm raw se cheu.
COMMENTS