CHIAI LOVIN HNẾTU EN LEM RAWH
By Rev. C. Kawldinglien Joute
Khawvêl thiemna, varna le hrietna ân sâng ang peiin damdawi ṭha a suok thar pei a, natna le thina hming thar khawm a suok pei bawk. Natna, thina, rinumna tam tak hung tlungin mi chimbuoi hlak sienkhawm ringtuhai chu chiai el ding ei ni nawh. ‘CHIAI LOVIN HNẾTU EN LEM RAWH’ ti thupuia hmangin Pathien Thu tawite zuk ngaituo tlang ei tiu.
Exodus 14-na ei tiem chun Israel-hai chu Pi Hahiroth le Tuipui Sen inkârah an um laiin an hnungtieng Pharaoh sippaihai an um a, an hmatieng Tuipui sen pal kai ruollo a um leiin Israel mipuihai chu an mangang hle thu ei hmu a.Ṭhuoitu Mosie ruok chun a hnungtienga Pharaoh sipaihai le a hmatienga Tuipui sen chu en lovin hnêtu Pathien sinthaw inlang ding chu a en lem a. Mipui thlaphâng le mangang tak hai kuoma chun, "Ṭi naw ro. Ngîr ṭawk unla, Lalpa sandamna in ta dinga vawisûna a thaw ding chu en ro… Lalpa chun in ta dingin do a ta, nangni ruok chu in to ṭawk ding a nih”, tiin thlmuongna thu a hril a.
Israel-hai ang bawkin ei ni khawm hun liemtaa ei harsatna, thlaphângna le natna ei hai hriet zing hlak leiin harsatna le natna ei tuor changing ei thlaphângin, hnêtu ni harsa ei ti hlak a nih. Israel-hai Pharaoh sipai le Tuipui sena inthawka sansuoktu kha ei Pathien tho hi a ni a, tuta harsatna le hripui ei tuok mêk hai nêk hin Pathien chun thil a thawthei lem a nih ti hriet ding a nih. Pathien sinthaw ei kuoma hung inlang ding chu ringhlana ṭhang der lovin nghak el lem hi a hadam tak a nih. Israel-hai angin i natna, beidawngna le Covid-19 hripui hi ngaiven in, thlîr zing nuom naw, i tadinga Pathien thilthaw ropuitak hung inlang ding chu nghâk lem rawh.
Elisa le a siehlaw chu Dothan khuoah an um lain Suria sipai tamtakin an vân huol lei chun a siehlaw chu a thla a phâng leiin damsuok hrim ân beisei ta naw a. Elisa in siehlaw kuoma chun, “Ṭi naw rawh, anni tienga ṭhang nêk chun, eini tienga ṭhang an tam lem an nawm” tia a hril zovin a siehlaw in Pathien a hmu fie theina ding a ṭawngṭaipêka a mit chu a hung var ta a (2 Lal.6:13-17). Elisa angin hmêlma hrâtna nêkin ei ni tienga ṭhang Pathien hi a hrât lem a ni ti hi ei thlarau mitin hmu fie in la. Mi suksie theitu le mi sukna theitu tamtak leiin beidawng el lovin “Indona chu Lalpa indona a ni a, hnêna chu Lalpa ta a nih” (2 Chro.20:15) ti hrein mi sansuok theitu le mi hnêpêk theitu Isu Krista bêl tlat lem ei tiu.
Matthai 14:22-23 a ei hmu angin Isu ṭhuoihruoihai chun zân thim tham hnuoia an ni khât a Galilee dila lawnga an chuong laiin thli le tuifawn nasatakin ân chuongna lawng chu a hung vawr leia an ṭi thu ei hmu a. Ṭi le thla invai taka an um lai chun Isu Krista chu anni san dingin tui chungah ke a hung lawn chu an hmu a, phûng an sawn a. An hmu suol hle! Ṭhuoihruoihai ang bawkin ei ni khawm beidawng, lungzing le natna ei tuok lai chu ei thlaphang leiin ei lungrila chawmchawrawk a, ei khaw hmu khawm a fie ngai nawh. Thil iengkim hi a ṭha tieng nêkin a sie tieng ngawt hi hmêlma setan chun mîn hmutir a tum hlak a nih. Isu Krista ringtuhai hieng hunah hin hnuoitieng ei beiseina innghat lem lovin mi sansuoktu le hnêtu tieng thlîr lem ei tiu. “Thlamuong takin um ro! Kei ka ni an nawm” tiin a rawl nêm in ami la biek zing a nih.
Suolna, natna thlipuiin a mi nuoi mêk lai hin suol sinthaw a ṭi um zie le ân thimna tieng thlîr lovin, hnêtu Lal Isu Krista ei ringna siemtu le sukfamkimtu tieng en in, Amaa damna, hnêna le thilthawtheina um chu ringin chel tlat ei tiu.
By Rev. C. Kawldinglien Joute
Khawvêl thiemna, varna le hrietna ân sâng ang peiin damdawi ṭha a suok thar pei a, natna le thina hming thar khawm a suok pei bawk. Natna, thina, rinumna tam tak hung tlungin mi chimbuoi hlak sienkhawm ringtuhai chu chiai el ding ei ni nawh. ‘CHIAI LOVIN HNẾTU EN LEM RAWH’ ti thupuia hmangin Pathien Thu tawite zuk ngaituo tlang ei tiu.
Exodus 14-na ei tiem chun Israel-hai chu Pi Hahiroth le Tuipui Sen inkârah an um laiin an hnungtieng Pharaoh sippaihai an um a, an hmatieng Tuipui sen pal kai ruollo a um leiin Israel mipuihai chu an mangang hle thu ei hmu a.Ṭhuoitu Mosie ruok chun a hnungtienga Pharaoh sipaihai le a hmatienga Tuipui sen chu en lovin hnêtu Pathien sinthaw inlang ding chu a en lem a. Mipui thlaphâng le mangang tak hai kuoma chun, "Ṭi naw ro. Ngîr ṭawk unla, Lalpa sandamna in ta dinga vawisûna a thaw ding chu en ro… Lalpa chun in ta dingin do a ta, nangni ruok chu in to ṭawk ding a nih”, tiin thlmuongna thu a hril a.
Israel-hai ang bawkin ei ni khawm hun liemtaa ei harsatna, thlaphângna le natna ei hai hriet zing hlak leiin harsatna le natna ei tuor changing ei thlaphângin, hnêtu ni harsa ei ti hlak a nih. Israel-hai Pharaoh sipai le Tuipui sena inthawka sansuoktu kha ei Pathien tho hi a ni a, tuta harsatna le hripui ei tuok mêk hai nêk hin Pathien chun thil a thawthei lem a nih ti hriet ding a nih. Pathien sinthaw ei kuoma hung inlang ding chu ringhlana ṭhang der lovin nghak el lem hi a hadam tak a nih. Israel-hai angin i natna, beidawngna le Covid-19 hripui hi ngaiven in, thlîr zing nuom naw, i tadinga Pathien thilthaw ropuitak hung inlang ding chu nghâk lem rawh.
Elisa le a siehlaw chu Dothan khuoah an um lain Suria sipai tamtakin an vân huol lei chun a siehlaw chu a thla a phâng leiin damsuok hrim ân beisei ta naw a. Elisa in siehlaw kuoma chun, “Ṭi naw rawh, anni tienga ṭhang nêk chun, eini tienga ṭhang an tam lem an nawm” tia a hril zovin a siehlaw in Pathien a hmu fie theina ding a ṭawngṭaipêka a mit chu a hung var ta a (2 Lal.6:13-17). Elisa angin hmêlma hrâtna nêkin ei ni tienga ṭhang Pathien hi a hrât lem a ni ti hi ei thlarau mitin hmu fie in la. Mi suksie theitu le mi sukna theitu tamtak leiin beidawng el lovin “Indona chu Lalpa indona a ni a, hnêna chu Lalpa ta a nih” (2 Chro.20:15) ti hrein mi sansuok theitu le mi hnêpêk theitu Isu Krista bêl tlat lem ei tiu.
Matthai 14:22-23 a ei hmu angin Isu ṭhuoihruoihai chun zân thim tham hnuoia an ni khât a Galilee dila lawnga an chuong laiin thli le tuifawn nasatakin ân chuongna lawng chu a hung vawr leia an ṭi thu ei hmu a. Ṭi le thla invai taka an um lai chun Isu Krista chu anni san dingin tui chungah ke a hung lawn chu an hmu a, phûng an sawn a. An hmu suol hle! Ṭhuoihruoihai ang bawkin ei ni khawm beidawng, lungzing le natna ei tuok lai chu ei thlaphang leiin ei lungrila chawmchawrawk a, ei khaw hmu khawm a fie ngai nawh. Thil iengkim hi a ṭha tieng nêkin a sie tieng ngawt hi hmêlma setan chun mîn hmutir a tum hlak a nih. Isu Krista ringtuhai hieng hunah hin hnuoitieng ei beiseina innghat lem lovin mi sansuoktu le hnêtu tieng thlîr lem ei tiu. “Thlamuong takin um ro! Kei ka ni an nawm” tiin a rawl nêm in ami la biek zing a nih.
Suolna, natna thlipuiin a mi nuoi mêk lai hin suol sinthaw a ṭi um zie le ân thimna tieng thlîr lovin, hnêtu Lal Isu Krista ei ringna siemtu le sukfamkimtu tieng en in, Amaa damna, hnêna le thilthawtheina um chu ringin chel tlat ei tiu.
COMMENTS