FJ THUZIEK : CORONA CORONA

CORONA CORONA
By Samuel Lalmuankima

To ṭawkin saktieng kâwla hung inhersuok in,
Bulṭhut a rem hringmihai suk thlabâr di’n.
A bân sei tak phar suokin,
A lampuia ngir a ban phâk po tâwkin,
A chengna in di’n a siem, hringmi za tam.

Dittawk zâi rêng rêl lovin,
Kan kawtthler hai inru anga fangin,
A kut dei le nunrawng tak chun,
Upa inzana le naupang laitnatna nei lovin,
An thuok nuhnungtak chen la pêkin,
Hausa le pasie, sakhmel hrim thlir lovin
Indik taka rorêl tumin, nitin ram la peiin,
Tlawm zai reng a rêl nawh.

Pathien anga insâl nuom mihriem hai,
Kutpha bawp hmun sawmsaria ṭhenawi,
Chu ngei khawm tiet lo hriin a chawkbuoi
Thiemna suong ding hrim a lo um nawh.

Sikeisen kan tih, sipai thahrat kan tih,
Kan thuomchak thilthawtheina a tlâwm;
Kan thilthawtheina le hratna a chau zo,
Hmelma nunrawng hripui hmaah.

A sakhming Corona tiin kan ko,
A dang thei le hmu thei um si lovin.
Sungkuo hmelma’n an chang zo
Hripui Corona lei chauvin.

A hem a khâwk, kan nun thar hi,
A thawidam thei um si lovin.
A thawidam thei um sien,
Hmelma a tlawm pha leh
Ṭhatna in ro hung rêl a ti maw?

Aw! Nunhlui zamuol liem hnung ngai ana
Ṭhenruolhai le kut insuia zaitin vawr lai
Inher suok nâwk a tîm hun hlimumhai?
Inher suok nâwk ngei sien lunglawm kimna’n.

Hripui bakkir aw Corona, a hun ta naw maw?
Khawvel i rûn a, hmangai hai imi lâk pêk.
I lunglawm a kim ta naw maw?
Kan ngên che, hringmi tinrengin
Kieng zai rêlin mi mâksan hram ta rawh.