FJ Thuziek - Thusep Tawi: World Press Freedom Day 2020 | Ei khawtlâng ah Press an chêp | FOX JOURNAL
Document

FJ Thuziek - Thusep Tawi: World Press Freedom Day 2020 | Ei khawtlâng ah Press an chêp

FJ Thuziek - Thusep Tawi: 

World Press Freedom Day 2020 | Ei khawtlâng ah Press an chêp
- Jr Amo


Article ziek dingin ka lo inring rak naw a, an leh, ka lungrilah a thar thuta hmawsarumin hi thu tawite hi sana hmawlte in zan dar 12 a sun hma ngeia suok hman dingin pawimaw ka ti em a ka la hung ziek. Tiem zo khawp chau a ni leiin I hun tawite lo zuk pe rawh.

UNESCO General Conference in hrilmawina a siem angin United Nations General Assembly in December 1993 kum a inthawk khan World Press Freedom Day chu khawvel huopa inser dingin a lo puong ta a, vawisun chen hin inser sunzawm a ni pei ta a, ursun le ngai pawimaw a hlaw deu deu bawk a nih.

World Press Freedom Day hmang a nina san tak hai chu - press freedom innghatna bulpui lawmna ding, khawvela press freedom ngirhmun enkaina ding, media attack hai humna ding, sin thawna a journalist hringna chân ta hai inzana pekna ding hai a ni bawk. Hmar țawng a ziek hin a fie zo nawa, a fie lemin a sapțawng a en el thei ning a tih.


Media personnel, journalist annawleh reporter hai hi a sapțawng taka hrilin, "journalist ethos" dungzui chun rawng nei lo, hnam nei lo, pâwl nei lo ding, țan le awn bik nei lo ding a nih. Nisienlakhawm, ei rama chun ei phak chintawk angin chu chu a letlingin a um thung a - Hmar hai, Zomi hai, Kuki hai journalist dam, media dam ei nei a nih. A pawi nawh, la ni phawt raw sen.

Hmar haiin media house puitling hril tham ei la nei nawh. Ei chanchinthar lakna le ei hril thei umsun chu "Hmasawnna Thar" ti baka Social Media platform a news group tlawmte ei nei hai bak hril ding a um nawh. Media personnel puitling khawm hril khawp ei nei ta nawh, tukhawm ei intum tumna ni loin ei tlawm ti ei hrilna a nih.

Hi lei hin social media news group hai le ei chanchinbu neisun hi ei ngaihlut thiem a pawimaw hle ti ka hril nuom. A ni maw, a ngaihlu nuom ei tam awm si a, ngaihlut dan ei lo hriet naw khawm a ni el thei. An leh, ieng tin am ngaihlu thei ei ta?

A pawimaw tak chu, media in a sin indik le a zie indiktak a put theina ding chun a zalenna rakbet loa inza tak le thawveng taka sin in thaw tir a nih. Media in zalen taka sin a thaw thei naw a ni chun mipui kuoma thudik chenve chau dam puong a țul hlak, chu chu sietna a nih.

Thudik muhlum media in a puong thei naw chun media ze indiktak a ni nawa, media a ngai le pawm tlak a ni nawh. Chuong ang chu Indian media a tam lem deu thaw an ni tah.

Hril ta angin ei țawng hmangna sunga ding ngei khawma media house nei tak tak naw inla khawm ei media house inzapui um khawp chau (hlu tak si), ei neisun hai te hin zalenna tak tak an nei nawh ti hi ka hriet a, a pawi ka ti takzet.

Ei hnam sunga pâwl dang dang le mimal che thei thei theiin media house ei nei ve sun sun hai hi ei ti naw zâwng le remchang naw a ei hriet hai chu an bahrik a țhamin an zalenna inzaum tak, vawi tam tak sirde in ei lo hmusit tawl ta hlak a nih. Chuong ang thawtu a chun ei lo țhang el ta am? A ni chun, thaw zawm nawk ta lo dingin mani thutiem insiem chu a puitling tlak hle ring a um.

Akarchang chu news insuo lo dingin ei hril a, akarchang ei vau a, akarchang le ințhithaina dam ei pek a. Press/Media Zalenna chu ei lo khuopde nasa ve thei ngawt el maw! History lem chu hril sei nawng ei tih!

Media hi Democracy banpui palina a nia a pawimawna hi ngainep thei a ni nawa, cho (challenge) chi khawm a ni hrim hrim nawh. Media khuopna ram chu ram hnufuol le țawphnawk an ni zat zat. Vawisun hin ei ram le ei delna bik hai a hnufuol ei ti am? A ni chun a san ngaituo zawm ei tiu.

India in ram zalenna a suolna kawnga a hmang țangkai tak chu Press/Media a nih, a detail chu ka hril seng nawh, lo tiem sunzawm ei tiu an ziekna a hai.

India rama chanchinbu/press bul țantu laia zel lut thei ve ding pakhat, James Silk Buckingham chun hieng hin a lo hril (inlet kher loin), "If all remedies proposed for checking evils inseparable from authority exercising almost absolute power, there is none that can be compared with a Free Press" a lo ti a nih.

World Press Freedom Day a hin Hmar hnam sunga Media hai kut le ke khuop an nina sut ni ta sienla, an zalenna hnuoi hrula um chu chawisang niin an ze indiktak in put tir ni ta hai sienla, an pawimawna le an hlutna hi țhang la hung thar pei ding hai kuomah thi nâwk ta lo ding tu ni ta sienla, ram humtu ni ta hai sienla, rukru le faru ching hai hnawt hmangtua an țhang theina dingin mipui haiin humin an thilthawtheina (Power) hi neka hratlem le huoisen lema an hmang theina dingin an Press Freedom chu inzain um ta raw sen.

COMMENTS

Name

Articles,96,B Lalsanglien,1,Bakshi,1,BUONGLIENKUNG,11,Cleaven Hmar,1,David Charles,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,3,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,3,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,5,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,500,LR NGHINGLO,1,LT. NEITHANG,1,Manipur,1,Mizoram's Got Talent,1,National News,29,News,569,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: FJ Thuziek - Thusep Tawi: World Press Freedom Day 2020 | Ei khawtlâng ah Press an chêp
FJ Thuziek - Thusep Tawi: World Press Freedom Day 2020 | Ei khawtlâng ah Press an chêp
https://lh3.googleusercontent.com/-OUYrfBABk-8/Xq8IsZCbvaI/AAAAAAAADg8/mcJOCrPi4pwUYxaZGygOThNsA3cIKqGmgCLcBGAsYHQ/s1600/20200503_233742.jpg
https://lh3.googleusercontent.com/-OUYrfBABk-8/Xq8IsZCbvaI/AAAAAAAADg8/mcJOCrPi4pwUYxaZGygOThNsA3cIKqGmgCLcBGAsYHQ/s72-c/20200503_233742.jpg
FOX JOURNAL
https://www.foxjournal.in/2020/05/fj-thuziek-thusep-tawi-world-press.html
https://www.foxjournal.in/
https://www.foxjournal.in/
https://www.foxjournal.in/2020/05/fj-thuziek-thusep-tawi-world-press.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy