ICI Central Choir (2018-2020) in Hla thar tlângzar
Fox Journal | Tuiṭhaphai | 24.05.2020: ICI Central Choir
(2018-2020) chun inpâkna hla thar "Mi Ngaithla La Lalpa" ti hla chu
ICI Central Choir YouTube Channel ah vawisun 24.05.2020, 5:00 PM khan an lo tlangzar tah. Youtube Channel bâka hin Fox
Journal Website ah en thei dinga si ani bawk. "Mi Ngaithla La Lalpa" ti hi English hla ni in "Hear My Song
Lord" inlet, Ruolngul Records a
khum le video mawi tak hi Michael Chawnghau a siem a nih.
Hi hla thupui tak chu, ei inpakna hla haiah na lo sit
dinga Pathien ngenna a na. A hla
thunawna chun,
"Mi ngaithla la Lalpa kan inpakna zaihla rimawi,
Kan zai hla I ta
din' rimtuiah chang sien;
Kan lungril hmun tlawmah hin nang hung cheng zing la,
Kan inpakna hi rimtuiah lo pawm rawh"
Hripui leiin ei Biekin hai khârin um sien khawm, Lalpa
inpâkna ri hi châwl naw sien. Ei kuomah Lalpa a um ti hre zingin, ti nawng ei
ta, ei mamaw tin reng mi pein a mi humhim ding a nih.
Hi hla ngaithlatuhai po po Pathien Thlarau malsawmna dawng dingin ICI Central Choir chun Fox Journal fethlengin ditsakna an in hlân.
https://youtu.be/GwqDZtr_6w0
COMMENTS