Vocal Champ Top 5 result puong; Promising Contestant 10 haiin Season 2 a Second Round a dingin direct entry

Fox Journal|Tuiṭhaphai|26.05.2020: Ei hlasakthiem Tv. Vincent Hekte hmalâk le huoihawt na le Fox Journal in Media Partner a ṭhang a nei mêk Vocal Champ Season 1 chu Top 5 result puong a lo ni tah. Result hi puong ni ta sienkhawm mipui vote thei dinga hawng ala ni naw.

Vocal Champ Season 1 Top 5 dinga endiktu haiin an thlang dawk hai chu Lemkim VC 75, Esther Lalremruot Sungte VC 81, John Wesley Hekte VC 11, B Lalrampari VC 84 le James Hmar VC 133 hai an nih.

An ni bâk a hin hi in elna a ṭhang, huoihawttu le buoipuitu haiin an thiemna hai ṭha an ti mi 10 hai chu Season 2 nei huna Second Round a dinga Direct Entry dinga thlang an ni bawk. Chuong hai chu VC92(Vanlal Tuolor), VC43 (Rosangkimi), VC33(Lizzy Lalhmingmawii), VC72(Rami Bapui), VC89(Judy Ramdinpui), VC01(Esther Lalrinawmi), VC107(Wendy Puruolte), VC112(Huoili Vankal), VC51(Zoarthang Hrangchal) le VC60(Fanya Tuolor).

Vocal Champ thiltum tak chu hlasakthiem tak tak inthup le an thiemna pholang dinga platform hmu lo hai an thiemna pholang pêk a, mi hriet lâr ta sa khawm ni hai sien, guide a promote hi a nih.


Result puongna le buotsaitu ainthawk a thuhril : https://youtu.be/HMF01EQUG1c