Fox Journal | Muolhoi | 21.06.2020: Rimawi khawvêl a dinga a sakhming ei lam á¹hel ngai lo, fam mi lo chang san tah Pu Paulsiemlien hrietzinga hla Tv. B. Lalsanglien Inbuon in a phuok le a sak chu mitin en thei dinga Youtube a tlângzâr a lo ni tah.
Singer: B. Lalsanglien Inbuon
Tune: Mortimer Joute
Music: Lalneihlim Joute
Words: B. Lalsanglien Inbuon
Recording: Faith Studio
Video Link: https://youtu.be/bcBlGtEfnSY
Hi video siem le inzawma B. Lalsanglien Inbuon a inthawk thu tlâwmte:
Lo ngaithla tu hai po po in renga chungah lawmthu ka hril mawl mawl a nih.
Ka lawm ie.
B. Lalsanglien Inbuon.
Muolhoi, Haflong
Singer: B. Lalsanglien Inbuon
Tune: Mortimer Joute
Music: Lalneihlim Joute
Words: B. Lalsanglien Inbuon
Recording: Faith Studio
Video Link: https://youtu.be/bcBlGtEfnSY
Hi video siem le inzawma B. Lalsanglien Inbuon a inthawk thu tlâwmte:
Khawvela ka mi ngaisâng em em (L) Rev. Paulsiemlien, ka ta ding chun ama anga ka ngaisang ang hi um nâwk ding khawmin beiseina ka nei nawh. Chuong ang lawma ka mi ngaisâng chu iengtin am kei te lul, mi zakzum hin chawimawi ve thei ka ta? A damlai hmêl hlak ka hmu phâk ve si nawa, iengtin takin am ka chantawka hin chawimawi ve thei ka ta? Ti ngaituona ka nei lai chun, ngaituona pakhat a hung lut taa, "a sakhming chawiin hla hi siem/phuok lang rimawi khawvela hin a sakhming hi hlain phun lang á¹ha'ng a tih" ti ngaituona ka nei taa. Amiruokchu hang zieksuok el kha harsa ka tina tamtak a uma. Chuonglai chun ka pa hi L.P Teacher ania khuo pakhat New Zoar, Ditokcherra(Kaieng Valley)a hin an transfera, chutaka chun tlang-lo Bubil kan nei vea. Chulai hmuna chun sûn chawllai hin Pu. Paulsiemlien hla hi ka hang ngai vêng vêng taa, chutaka ka ngaituonaa hla dinga á¹ha ka ti ti hai chu ka lungrilah ka'n chik pei taa. Chun ka piengna Muolhoi, Haflong tieng ka kir chun ka zieksuoka, a zâi/thlûk ka hang siem khan insitna lientak ka nei taa, chutaka chun ka á¹Ã»l, ka mamaw hun huna ka bêl hlak ei hlasakthiem Pu. Mortimer Joute hi ka hang rawn taa. Ama chun a zâi/thlûk mawitakelin ami hung siempeka lawmum le ropui ka ti hle a nih. Chuzoa chun "a sung le kuo hai inhriettir hi thilá¹ha a nih" tiin ka zuk hril taa, anmi lo phal pek ngeia, ka lawmna an sâng hle a nih.
A hla anzo taa, in âwkna pakhat ka nei nawk tah, Video leh insuo thei nisienla a á¹ha awm de aw!!.. ti lungril ka nei nawk ta peia, sum le pâi a hung á¹Ã»l, mi dang zuk rawna insukhnawk berbur kha ka nuom bawk si nawh. Amiruokchu Chunga Pa remruot dan hi a maka, Samari miá¹ha, neilo ngheilo hringnuna mi á¹huoi hlaktu zârin lampui a hung inhawng ta peia. Nk. Rose Pulamte, thil ka thawna ding taphawta ka i rawn hlak le kan tlun hlak ani ang hrimin ka zuk intlun taa, ka beisei phâklovin Pu. Enok Ngamhaulien Songate leh an mi hung sponsor nuomthu an mi hung hril taa, ka lawmna an sang hle. Hienganga sum le pâi senga, a tak ram mi'n tlungtir theitu Nk. Rose Pulamte le Pu. Enok Ngamhaulien Songate hai chungah hin lungril takin lawmthu ka hril mawl mawl a nih. Chun anni pahni khawm hin Pu Paulsiemlien hi anlo ngaina ve em em a nih.
Chun, a kila lung á¹angkai, Studio tieng Faith Studio ni leh Soundtrack tieng ei Artiste Pu Lalneihlim Joute khawm nisienla, an ni bovin hienghi suok theilo ding ani ang hrimin lawmthu an chungah ka hrilsa bawk a nih.
Chun, Video siem laia tha le zung senga mi á¹hangpuitu hai po po in renga chungah lawmthu ka hril bawk a nih.
(L) Rev. Paulsiemlien ka ngainatzie hi a zieka ziek ding khawmin ka ziekseng ka ring nawa, hi po a hin hun sienla, Hi khawvela hin Hmarnau zalengruol lai hin a sakhming hi lawi ang inthang sienla, chul nâwk ta ngailo dingin lim pâr angin vul zing raw seh.
Lo ngaithla tu hai po po in renga chungah lawmthu ka hril mawl mawl a nih.
Ka lawm ie.
B. Lalsanglien Inbuon.
Muolhoi, Haflong
COMMENTS