Fox Journal|Tuithaphai|13.06.2020: Zoram khawvela hlasakthiem inlar tak el Joshua Hrilsiemlien Buhril a YouTube Channel chu hriet ngailo mi rilo țhenkhatin an chawkchawrawi pek niin report dawng a nih.
Tv. Joshua in a Channel a music video a sie hai po po chu lakdawk pek vawng a ni a, a Channel hming khawm hi thlak pek niin a channel chunga hin thuneina a nei ta naw thu ei dawng bawk.Hieng ang thil thawtuhai hi tuhai am an ni a ti hriet a la ni naw a.
Hrilsiemlien in a Instagram story update nuhnungtak a siemna a chun, a account/channel buoina chungthua țhangpuituhai kuoma lawmthu a hril a. Tu chena chu ka Google account hack a nih ti bak hril thei ka la nei hri naw a, dan anga hmalak tumin theitawp kan suo mek tiin a ziek a.Hun iemani chen "Offline" in a um ding thu a hrilsa bawk a nih.
COMMENTS