Fox Journal: Delhi Police chun a vawikhatna le a hmasatakna la ni dingin nuhmei le pasal police constable a lak hai "virtual passing out parade" chu Thawleni khan Jharoda Kalan Police Training College ah an huoihawt.
Hi passing out parade (POP) danglam bik na chu hripui inleng laia huoihawt a ni angin social distancing norms zui a ni a. Hmai tuomna hmang, kar awl țha taka vawng, live video conferencing, mipui um loa huoihawt a nih.
Tuta țum a training zo thar hai hi Delhi Police batch 114 niin pasal 875 le nuhmei 407, an rengin 1320 an nih.
Hieng hai laia hin Manipur a inthawk Hmar mi pali lai zet - Eldad Khawbung (Sielmat), Laldinthar le Nk. Jennifer Lalnunthieng (Saidan) le Joseph Lalringum hai an țhangve niin report ei dawng.
Salute parade hi Police Headquarters a inthawk zuk command a ni a. Hunser hi Delhi Police Facebook le YouTube page a hai Live a insuo a ni thu senior Delhi Police officer chun a hril.
Training zo thar hai hi ni khat an châwl a, service an zawm nghal a nih.
COMMENTS