Next year in Jerusalem

~ Sema Faihriem

(Kum 2020 thla tawpna tak chu ṭhuoi tlungin ei lo um nâwk dêr el tah. Mi ṭhuoitu ei Pathien chu inpakin um raw se. Tukum sûng chu hripui leiin a ramphekin ei buoia. Kumbul tienga khuol thuthang ang chaua ei hriet kha a tuortu ngei ei ni ve ta a, a mi chenchil ve zing chu an tah. A bo hun ding hlak ei hriet si nawh. Kumthar khawm hi hripui le chu tûng thafân a um naw ngawt el. Chuelbâkah, khawvel hmun dang dangah thina rapthlak le chanchin mak tak tak a tlung deu zinga. Hieng hai po po lei hin lungmuong nawna tamtakin ei nei pha tah. Upa haiin 'Kum siet kum' an ti hlak kha a ni el âwm. Sienkhawm, "Next Year in Jerusalem" tiin inhnêm phawt el ei tiu maw...)

Jerusalem hi Israel hnam hai ta dinga khawpui pawimaw tak el; hnam anga ropui an rêlna ram, an hringnun le inzawm tlat, an hrietzing hlak chu a nih. Nisienlakhawm kumzabi 6 & 8 (6th & 8th century BC) lai khan Assuria le Babulon mihaiin Israel lalram chu an rûn a, sal a ṭhuoiin an um a. Chutaka inthawk chun ram danga hai an tlân dar ta a nih. Kum za tamtak lal dang dang awpdena hnuoia an um lai khawm chun an khawpui Jerusalem chu an innghil naw a, an hriet zing hlak. Kûtpui an hmang châng khawm, "Next Year in Jerusalem" (Kumthara chu Jerusalema aw) tia an inchibai chun, thlalera tuihringhai angin hratna thahrui a pêk a, beiseina thar an nei nâwk hlak a nih.

Jerusalem khawpui hi Israel hai chauin an ngaina naw a, kristien taphawt hai chun ei ngaina ve hle. Ei ngainat zie hi thu le hla khawmin ei inzâwt rawp hlak bawk. Sienkhawm, chu khawpui chu eini thuthlungthar kohranhai hai chun ei LALPA Pathien umna, van khawpui hrilna in ei hmang ta lem a. Chu khawpui a hming 'Jerusalem' chu kristien khuolzin hai ta dinga châwlna tuikam, tlansahai tuolchaina ding hmun, tlung kâr nghâkhla a ei ngai vawng vawng hlak 'rammâwi' ngei chu a nih.

Ei khuolzinna hnuoi rama hin harsatna tamtakin a mi thlâkbuok hlak a.Tukum lem chu hripui nasatakin khawvel a rûn a. Mi tamtakin an hmangai hai an sûn a, mi lien mi chîn thlier bîk um loin a mi râwt ruol vawnga. Fâk le dâwn zawngna kawnga khawm mi tamtakin harsatna ei tuok pha a. Inkhatpa lû an hai a; nû bei a dawng a, nauhai thla a phânga, lungngaina haiin a mi tuom vêl zing niin an lang tah. Beidawng a um in vân ngaina a suk zuol ngawt el!

A ni ngei, khawvêl chawhnung tienga hin Pathien ram ta dingin theitawp suoin kal ei pên ve a. Sienkhawm, beisei naw tieng takin ei insûng chu suol râl lienin a lo rûn zing a. Sûngtin ṭapnaua a min chang nawk hlak. Lal David anga Lalpa Pathiena insukhrat a, hmelma do dinga ei insingsat châng khawm thaidâwpna suolin a mi man a, inzaknain a mi tuom vêl a. Ram lâk dinga kal pên ei zuom ta ngai nawh.

Hi khawvela hin ringnawtu hai le ei la chêng tlâng hri a. Anni hai chun nitinin khawvel hausakna an intêl a. Hnuoi malsawmna tam tak an dawngin an hung lien tuol tuol a. Khawvêl thil tieng thlir chang chu Sâm ziektu angin ei sirbi an phet ve vâng vâng el hlak. A ṭhen chu Dema anga khawvel mihai lampui hraw khawm ei um hlak bawk. Chuong mihai chun inlalna le thuneina hmawl an hung kengkaw zet chun, Krista ringtu hai chu hnawchêpin ei um a. Sukrinumna nasatak ei tuok a. Varnauhai thilthaw theidatu hai kutlum tuorzo loa chatuon hmun pan khawm ei um pei tah. Mirilohai ngirhmun chu sukdetin a um pei a; ei beidawngin, 'Pa' kuoma nuorthusim ei hang inzâwt a. Ama chun, "... muongna rama hman i tlu chun, Jordan ramngawa chun iengtin am thawng i ta?" (Jeremia 12:5) tiin chona nasa lem hmasuon dingin a mi hril lem pei bawk si a.

A nih! suol le indona rama hin chauin sâwl ta hle inla khawm, tâwp el thei ding ei ni nawh. Gideon le a sipai hai khawm an hmelma Midian hai chu an hne ta a, tam tak an that ta bawk. Sienkhawm midian hai lal Zeba le Zalmuna an that hmakhat chu 'chau sa sain an hnawt pei a' (Roreltuhai 8:4) ti ziek a ni kha. Chuleiin, ringtu khuolzin fe mêk hai hi suol le indona rama hin sâwl ta hle inla khawm, tâwp el thei ding ei ni nawh. Harsatna le rinumna hai khawm bo naw nih. Ei Pathien chun ei rinum tuor khawm a phal a, ei lungngaina hai khawm a hriet. Chu ruol ruol chun thlamuongna thu a mi tiem a nih. "Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah" (Johan 16:33) tiin. Suol leia chaua tlusie el ding chu ei ni naw tawp el.

Hi hnuoi ṭawngsephur rama hin; harsatna sûmpui in a mi bâwm hlak a, lungngaina hai chu tuipui angin a hung liena, thina lusûn mangang leia ei indawmkûn thlawk thlawk châng khawmin, Vân Jerusalem khin beiseina thar min hmu tir nawk hlak sien, chu chun ei hratna mi siemthar pek nawk hlak ngei a tih! Chu khawpui a chun lungdit fe hmasa hai leh, hnuoi ram reng ngailoin 'vân inkhawmpui' hla ei la rem ding annawm.

Chu Jerusalem a chun a nih, 'Hnuoi lungngai mitthli hul a ta, ṭaplai ni puon ang ka bâng ding chu!'

Aw! Vân Jerusalem a chun...


#Riekmaw Cabin.

(Thusep hi Țhalai Weekly chanchinbu a insuo hnung, a ziektu remtina a insuo sawng a nih).

COMMENTS

Name

Articles,95,B Lalsanglien,1,Bakshi,1,BUONGLIENKUNG,11,Cleaven Hmar,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,2,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,2,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,4,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,498,LR NGHINGLO,1,LT. NEITHANG,1,Manipur,1,National News,29,News,567,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: Next year in Jerusalem
Next year in Jerusalem
https://lh3.googleusercontent.com/-F0gENXOLKmk/X8xSngTx-sI/AAAAAAAADzc/ailnE6JrD0k88jZ0PFrPczgwpig0YFrOQCLcBGAsYHQ/s1600/PicsArt_12-06-09.05.07.jpg
https://lh3.googleusercontent.com/-F0gENXOLKmk/X8xSngTx-sI/AAAAAAAADzc/ailnE6JrD0k88jZ0PFrPczgwpig0YFrOQCLcBGAsYHQ/s72-c/PicsArt_12-06-09.05.07.jpg
FOX JOURNAL
https://www.foxjournal.in/2020/12/next-year-in-jerusalem.html
https://www.foxjournal.in/
https://www.foxjournal.in/
https://www.foxjournal.in/2020/12/next-year-in-jerusalem.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy