Fox Journal | Shillong | 06.03.2021: Meghalaya ram a West Jaintia Hills a Jowai khuah HSA Unit indinna le inthlangna nei a nih. Hi hunah hin HSA Shillong Joint Headquarter President Pu Richard Nungate le General Secretary Tv John Lalsanglien haiin keihruoi in inthlangna ṭhatak a zofel a nih.
Inthlangna hi HSA Shillong Joint Headquarter tieng inthawk Tv. Prati C. Tusing, Vice President; Tv. John D. Infimate, Secretary Education bâkah HSA Joint College Unit, Shillong tienga inthawk Tv. Samuel Lalbelsang, President; Tv. Lalsangpuia Neitham, Vice President; Nk. Florence Lalrindiki, Secretary le Nk. Esther Chawngthangmawi, Finance Secretary hai khawma an uop bawk.
Hun hmanga um hi Jowai ICI Kohran Hall a nei niin, Pu Richard Nungate, President, HSA Shillong Joint Headquarter in hun hawngna le Unit thar indin theia um leiin Pathien kuomah lâwmthu hrilna neiin Election nei zawm nghâl a nih.
Mipui fêkhawm hai chun a hnuoia hai hi lungruol tak in an thlang.
President: Tv. Jacob Buongpui
Vice President: Pu David Riengsete
Secretary: Tv. Felix Lalṭhuoisuok Inbuon
Asst. Secretary: Tv. Eben T. Zahau
Finance -cum- Treasurer: Nk. Lalhlimmawi Songate
Thlang thar a um hai hi Pu Sungthanglien Hrangchal in intiemkamna le ṭawngṭaipêkna a nei nghal. Unit indinthar a um HSA Jowai Unit hai kutah HSA Shillong Joint Headquarter; NEHU Unit le Joint College Unit, Shillong haiin thilpêk an inhlân bawk.
Program hmang zo in Nk. Lalvarmawi Inbuon in Pathien kuomah lâwmthu hril ṭawngṭaina nei in thingpui ruoi ṭhe a nih.
HSA Jowai Unit hai chu hnam hming hung suk vul ngei dingin Fox Journal sûngkuo chun ditsakna insângtak ei in hlân.
With inputs from Information Department, HSA Shillong Joint Headquarter
COMMENTS