COVID-19 VACCINE

By Upa Dr. Challiensung, Shillong (23/4/2021)


Thuhma: Coronavirus hripui hung suok hlim khan Coronavirus le inzawmin Artikul 'Coronavirus Part-1' ka ziek a; chu zo hun sâwt naw teah Covid-19 le inzawma thu bêlchieng dâwl lo tam tak a um leiin Artikul 'Coronavirus Part-2 - Coronavirus le inzawma thu bêlchieng dâwl' lo ti ka lo zieka. Chu zoah 'CORONAVIRUS LE A BIBLICAL' ti le 'Coronavirus LE AN ENKAWL DAN' ti hai ziek nawk ka tum laiin mani sinah ka buoi em em ve leiin le COVID-19 chanchin a ziektu ei tam nawk taluo ta leiin ka lo pamṭhul ta a nih. 

COVID-19 Vaccine le inzawma artikul ziek ka tumna a sâwt taa chu buoina dang dang leiin ziek lovin ka uma, 'hung ziek raw ie' tia phûtna ka dawng nuol zing bawk a. Chuong zing lai chun, Upa Dr. Phirthanglien Buhril-in fie takin YouTube fethlengin COVID-19 Vaccine chanchin a hril ka lo ngaithlâka. Chun, Dr. Janet Thiek, New Delhi in tâwi fel deuvin a ziek ka lo tiem bawk a. Lâwm a umin, a hun tâwk vieu ta ni’n ka lo hriet a. 

Amiruokchu, Covid-19 Vaccine chanchin hi 'hung ziek raw ie' tia mi hung message le phone an um el bakah, Covid-19 Vaccine le inzawma ngaidan mak tak tak hung hril an la um zing bawk leiin, thei ang tâwp suo vein ka hung ziek a nih.

Vaccination/Immunization Principle: Vaccine hi kum za deu thâw liemtaa inthawk khan mihriem haiin ei lo hmang ṭan ta a. Chuonghai laia ei hriet lâr deu deu hai chu Injection T.T, Injection BCG, Polio drops, Cholera invêngna ti hai dâm kha an nih. Tuhin, Covid-19 le inzawmin India rama chu Vaccine pahni - Covaxin le Covishield ei hmang ṭan mek a nih. Vaccine po poin mihriema sin a thaw dân le siem a nina san (Principle) tak chu natna (virus/bacteria) lo insuolpui le lo dang/vêngna dinga antibodies taksa a lo siem a nih. Chu umzie chu vaccine lâk lei el khan natna kâi thei ta lo tawp ding tina ni loin, a natna lo insuolpuia, a sinthaw ding ang inthâwtir lo khawm a ni bawk. Chuleiin, vaccine inkâp ta hai chun a natna an lo kâi nâwk pal khawmin an thawhla ta bek bek ngai naw a nih. Covid-19 Vaccine lak hnung hin mihriem taksa-ah antibodies a siem hun sung hi kâr 2 (hni) vêl a ngaia hril a nih. 

Covid-19 Vaccine la thei ding hai:

1. Kum 18 le a chung tieng hai.

2. Covid-19 natna a hmaa lo invawi ta hai khawma lâk ding a nih, invawi nawk thei a ni leiin.

3. Natna bukhuor nei hai khawma lâk seng dinga phût ei nih (TB, BP insâng, Diabetes, kal natna, lung natna, cancer invawi le a dang dang)

4. HIV natna nei le taksa chau hai khawma lâk thei a ni bawk.

5. Sorkar le Health Expert hai chun Vaccine hi a him tâwka, a tha tâwk bawka, lâk seng dinga phût ei ni bawk.

Covid-19 Vaccine la theilo ding hai le fîmkhurna ding hai:

1. Kum 18 le hnuoi tieng hai chu la pêk lo hri dinga ti a nih.

2. Nuhmei nau pâi lâi le Nuhmei naute nene pêk lâi nei hai.

3. Injection hrim hrim le damdâwi tam tak le inzawma ‘Allergic Reaction’ nei hai; Covid-19 vaccine first dose allergic reaction nei hai.

4. Covid-19 Vaccine lâk la sukhnûk ding hai:

(a) SARS CoV-2 (Covid-19)-a damnaw le natna nei mêk hai.
(b) Covid-19 a damnaw, SARS CoV-2 monoclonal antibodies le plasma therapy lo la hlim hai.
(c) Hospital natna inrik taka um hai (ICU-a um hai)

Hieng hai hin an dam suoka inthawka kâr 4-8 hnunga la ve thei chau an tih.

5. Mi tuelkhawm natna hieng bleeding or coagulation disorders (thisen pût le thisen natna nei hai) chu fîmkhur taka vaccine lâk ding ti a ni bawk.

Covid-19 Vaccine Side Effect Ṭhenkhat:

1. Khawsik insâng rak lo an nei thei. Lu na, lu inhâi hmuol dâm an nei hlaka, taksa chau ngûina khawm an nei thei bawk. Injection-na lâi a na thei bawk. 

2. Vaccines rêng rêng side-effect nei dêr lo an um nawh.

3. Health expert le medical profession ngaidân chun side-effect chite nei haia hin a vaccine sinthaw ding ang a thaw ṭha lem ti hi a nih.

Covid-19 Vaccine le Inzawma Thubelchieng dâwllo ṭhenkhat:

1. Kum tam hai le natna bukhuor nei hai ta dingin ṭi a um: Hi hi thubelchieng dawllo a nih. Ei hril ta angin natna bukhuor nei (Comorbidities condition) hai chun Vaccine hi an lâk hmasak dinga phût lem an nih. A letling dêra ei hriet a lo ni awm!

2. Nuhmei naupâi ding a sukbuoi thei: Tu chenah, khawvela vaccine pakhat khawm hin nuhmei naupâi ding chawkbuoi thei a la um nawh. Covid-19 vaccine khawm hin harsatna iengkhawm a siem nawh. Thu bul-bâl neilo a nih. 

3. Covid-19 vaccine vawihni zet inkâp ta hai khawm an la positive thei nawk thoa, vaccine hin umzie a nei nawh: Hieng ang ngaidan neitu hi medical profession-a sinthaw mêk hai khawm an um hi a beidawngtlâk hle. Vaccine Principle le inzawm khan ei lo hril ta a, vaccine inkâp hin a natna kâi lo dingin a mi vêng thei zing laiin, kâi lo tawp ding tina a ni chuong nawh. Entrina’n: TB hrik vêngna BCG la hai khawm TB invawi ei tam. Anachu, a vaccine la hai chunga a natna inlang dan le vaccine la lo hai chunga inlang dân an ang nawh. Vaccine hin virus/bacteria natnain taksa a suksiet ding popo kha antibodies (vaccine) hmangin lo vêngin a lo do thei a nih.

4. Covid-19 Vaccine hin mihriem DNA a sukdanglam thei: Hi ngaidan hi India ram puotieng a um nuol. Ei vaccine hmang mêk hai hi mRNA based le Spike Protein Antibodies based an ni a, mRNA hi DNA-ah a’n thleng thei naw a, DNA khawm a sukbuoi thei chuong nawh.

Thukharna: Virologist Dr. Shahid Jameet chun, ‘…nikum lâi le thla 2-3 hma ela Covid-19 hriin a lo nuoi vêl hai kha ieng bêk bêk an ti tawl naw a; tu ta ṭuma Covid-19 second wave in a hang nuoi nâwk hin an thawhlâ êm êm el nasan hi ka ngaituo chun a ‘virus’ hi a’n thleng danglam a (new variant/strain), a ṭi um zuol bawk (more infectious & pathogenic) ni’ng a tih’ tiin a hril. 

Hi hi a’ndik hle ring a um bawk. Kum 2020 June thla lai vêla Covid 19 positive a tam lem kha chu Quarantine Centre-a dam, Covid Care Centre-a enkawl an ni a, Hospital-a enkawl an ṭul nawh. Tukuma Covid-19 positive hai ruok hi chu a tam lem Hospital panpui an ngaia, mi tam tak chun Oxygen an mamaw nghal bawk a nih. 

Chun, ICMR le Ministry of Health, Govt. of India in data a lâkkhawmnaa chun VACCINE la’n kâp lo hai lâi a natna hi a 'serious' bîk a, a thîpui an tam lem bawk ti a nih. Hi hi thudik a ni zie 'practical' ngeia ka sinthawna hmuna hretu ka ni ve. 

Covid 19 hripui natna ṭi si, a’n vêngna vaccine ûksak bawk lo hai hi chatuon hremhmun ṭi si, chatuon sandamna neitu Lal Isu hnâwltu hai ang ni’ng ei tih.

Chuleiin, nang le kei ei himna ding chun Covid-19 le inzawma Sorkar Thusuok hai inzâ le zâwm ei pawimaw a, Covid-19 VACCINE hi ngâitha loa, lâk tum seng ding le thubelchieng dawllo hai lo buoipui ta lo dingin ei infiel tak zet a nih.

COMMENTS

Name

Articles,95,B Lalsanglien,1,Bakshi,1,BUONGLIENKUNG,11,Cleaven Hmar,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,2,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,2,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,4,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,498,LR NGHINGLO,1,LT. NEITHANG,1,Manipur,1,National News,29,News,567,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: COVID-19 VACCINE
COVID-19 VACCINE
https://lh3.googleusercontent.com/-a-HQo0CAH8I/YITuIK8zhOI/AAAAAAAAD5U/pbdY5Ji964wSzea4qhfIEjtdWQcCNNiMwCLcBGAsYHQ/s1600/IMG-20210425-WA0009.jpg
https://lh3.googleusercontent.com/-a-HQo0CAH8I/YITuIK8zhOI/AAAAAAAAD5U/pbdY5Ji964wSzea4qhfIEjtdWQcCNNiMwCLcBGAsYHQ/s72-c/IMG-20210425-WA0009.jpg
FOX JOURNAL
https://www.foxjournal.in/2021/04/covid-19-vaccine.html
https://www.foxjournal.in/
https://www.foxjournal.in/
https://www.foxjournal.in/2021/04/covid-19-vaccine.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy