THE QUEST FOR IMMORTALITY (CHATUON HRINGNA ZAWNGIN)



By Samuel L Songate

Tulaia khawvel hrieta historian le philospher hmingthang em em Yuval Noah Harari chun a lekhabu ‘Sapiens: A Brief History of Humankind’ ah khawvel mihriemin ei buoipui, ei hnawt le ei zawng po po chu thil pathumah a hung khâikhâwm vawng a. Chuong thil pathumhai chu – (i) Immortality (Thitheinawna / Chatuon Hringna) (ii) Happiness (Hlimna/Lawmna) le (iii) Divinity (Pathien ang ni nuomna) an nih. Ei thusep a sei taluo nawna dingin tuta ṭum hin chu a pakhatna ‘Immortality’ chauh hi ei hung sui ding a nih. 

‘Immortality’ ti hi Hmar ṭawng chun thitheinawna tina a ni el a. Chuchu a Bible ṭawng deua ei inlet chun ‘eternal life’ (chatuon hringna) ti thei khawm a nih.  Mi tamtak  chun chatuon hringna hih sakhuo mihai le abikin Kristienhai chauh hin ei buoipui amanih ei lo ti el thei. A lo ni awzâwng nawh. Khawvel miropuihai le scientist hai khawmin chatuon hringna hi an lo buoipuiin an lo zawng nasa ve hle. 

Khawvel hrieta chatuon hringna zawng ei hriet thei hmasatak chu khawvela sivilaizeson hmasa pawl taka ngai Sumerian civilization hun laia Uruk khawpuia lal ropui em em Gilgamesh kha a nih. A ruolṭha em em Enkidu a thi chu a tuorna khawp el a, a ruolpa thina chun ama ngei khawm a la thi ve ding a nih ti an ngaituo tir bawk a. A tawpah a beidawngin thina pumpel dan lampui um dingin a ring leiin lal ropuitak Gilgamesh chu chatuon hringna zawng dingin an thawk suok tah a. 

Chuong lai huna an khawvel chu a fangsuok deu thaw a nih, amiruokchu a thil zawng chu a hmu chuong nawh. A tawpa chun tienlai mi pakhat Utanapishtim chu a va hmu fuk a. Chu mi pa chun Gilgamesh kuoma chun chatuon hringna hi zawng zawng la khawm hmu naw ti nih, asanchu thina hi pathienhai in mihriem chan ding renga an ruot a ni leiin, thitheinawna hi chu pathienhai ta ding chauh a nih a lo ti pek a. Chu phing chun lungawitakin a lalram tieng chatuon hringna chu hmu loin an lawi tah a nih. Hi chanchin hi khawvela literechar upa pawl taka ngai, cuneiform script a ziek ngat ‘The Epic of Gilgamesh’ ah a chuong a nih. 

Gilgamesh chauh niloin tienlai Chinese emperor ropui tak takhai khawmin chatuon hringna hi an lo zawng nasa ve hle a, lal ṭhenkhat lem chun ‘mercury’ (liquid metal, thermometer sunga an hmang hlak) hi thitheinawna damdawi a nih tiin an lo dâwn hlak a nih. Isu khawvela a hung lai ngei khawm khan mihriemin chatuon hringna an la zawng zie chu, tlangval hausa pakhat a kuomah hungin, “Inchuktirtu, chatuon hringna ke nei theina dingin iem thawng ka ta?” tiin a hung indawn hiel a ni kha. 

Tienlai chauh niloin tulai ngei khawm hin chatuon hringna hi khawvelin an la zawngin an la buoipui nasa em em. Scientist hai ngei khawm chatuon hringna zawng an bâng bik nawh. Scientific research organization pakhat SENS Research Foundation hai lem chun chatuon hringna thuruk (secret of immortality) hmusuok tumin research an bei nasa hle a, an project hming khawm ‘The Gilgamesh Project’ tiin an ko nghe nghe a nih. 

Scientist hai chauh niloin tulaia Big Tech ei ti computer tienga company lien tak tak hieng Google le Oracle hai dam hin ‘immortality research’ tieng sum an lo invest nasa hle. Google lem chun CALICO (California Life Company) fethlengin anti-aging (taksa chuoi theinawna) le life extension research (hringna keiseina dinga scientific research) tieng dollar maktaduoi zanga ($500 million) chuong a invest a nih. Hieng scientist le Big Tech hai ngaidan chun mihriem hi computer ang tho in khâwl (machine) ei nih a, ei hung upaa ei taksa a hung chuoi (aging) a ei thi pei hi a san dang iengkhawm an nawh, ‘technical problem’ lei a nih a, chu ‘technical problem’ tak chu a san ei hmusuoka ei siemṭha thei chun kum upat leia thina (age related death) hi ei sukbo thei ding an ti a nih. 

America-a cryogenics company pakhat ALCOR hai ve thung chun khawvel thiemna le varna a hung insang peia technology hmanga mithi ta hnung chen khawm sukhring nawk thei a la ni ding an ring leiin cryonics hmanga taksa vawnghimna an siem a, tuchena hin mithi ta hnung taksa 300 vel cryogenic capsule sungah an sieṭha tah. Khawvel pumpui a lem chu mi 1500 lai vel hieng anga an thi hnunga an taksa sieṭha hi an um tah niin an hril. Russia le China a khawm Cryonics company hi an um tah. Hi taka inthawk hin khawvel mihriem hin chatuon hringna hi ei lo dit zie a suk chieng hle a nih. Tulaia natna hrik chite mita hmu theilo SARS-CoV-2 (COVID-19) in khawvel pumpui nundan pangngai a sukbuoi nasa em em khawm hi ieng dang lei an nawh, khawvel mihriemin thi ei ṭi lei a nih. Hringna, abikin chatuon hringna hi mihriemhai beisei le zawng tak chu a lo ni takzet. 

Iengleia hieng lawma mihriem hin chatuon hringna hi ei beiseia ei zawng am a na ti hi a san indawn ding ni inla, scientist le philosopher haiin a dawnna ding an nei ṭhak nawh. Science in a mi’n chûktir anga mihriem hi a siemtu umloa thilhring hnuoihnung lem anthawka hung suok (evolve) ei ni chun hringnun hin umzie a nei nawh a, mihriemin damsan ei nei bawk nawh. Anleh hringnun umzie le damsan nei si lo chun ieng leia khawvel mihriem a chin a lien, a hausa le a pasie hin thi hi ei ṭiin dam hi ei thlâkhla bek bek am a na? Ngaituo chet chet chun mak deu a nih. Asan chu ieng dang an nawh, a mi siemtu Pathienin mihriem hi chatuon mi (eternal being) in a mi siem lei a nih. Thuhriltu 3:11 kha ei en chun, “Thil iengkim an hun senga mawi dingin a siem a. Mihriem lungril a chun chatuon a sie bawk a..” ti ei hmu. 

Hi taka inthawk hin mihriemin chatuon hringna ei beisei le ei dit em em nasan chu Pathienin chatuon mi in a mi siema, chatuon mi nana na chun chatuon hringna  chu ei mamawin ei dit ding hrim a nih. Pathien chatuon remruotna chun chatuon hringna mamawin a mi siem chauh niloin chatuon hringna Eden bawsietna leia ei lo inhmang tah chu ei nei thei nawk dan ding lampui a hung buotsai tah a. Mihriemin ieng angin ei thiemna, ei theina, ei ṭhatna le ei felna po poin zawng inla khawm ei khâtin chatuon hringna chu ei nei thei ta nawh ti a hriet leiin Pa Pathienin chatuon hringna chu a thlâwn tawpin a mi hung pêk ta hlawl el a nih. Lalpa ropui raw se!

Chu chatuon hringna Pathienin a mi pêk chu khawlai dang a khawm a um nawh a, A Naupa Isu Krista a mi pêk a khan a um a nih. Chu chu ei Bible-ah 1 Johan 5:11  lai khan chieng em emin hieng hin a mi lo ziek pêk a nih – “Inhriettirna chu hi hi a nih, Pathienin chatuona hringna a mi pêk a, chu hringna chu a Naupaah a um a nih. Naupa neitu chun hringna chu a nei a, Pathien Naupa neinawitu chun hringna chu a nei nawh.” Khawvel miropui le scientist haiin Naupa chu dit si loin an thiemna le varna hmangin chatuon hringna an zawnga, sum le pai le tha le zung tamtak an seng tah a chu an la hmu zo chuong nawh. An chan ding chu tienlai lal ropui Gilgamesh ang bawk khan beidawngna le hlawsamna tho a nih. Naupa neinawtu chun chatuon hringna chu a nei thei si nawh a. Anleh Naupa chu ei nei tah am? A dawnna chu mani mimal sengin ei dawn ding ni raw se!  (Pune, April 16, 2021)

COMMENTS

Name

Articles,95,B Lalsanglien,1,Bakshi,1,BUONGLIENKUNG,11,Cleaven Hmar,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,2,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,2,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,4,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,498,LR NGHINGLO,1,LT. NEITHANG,1,Manipur,1,National News,29,News,567,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: THE QUEST FOR IMMORTALITY (CHATUON HRINGNA ZAWNGIN)
THE QUEST FOR IMMORTALITY (CHATUON HRINGNA ZAWNGIN)
https://lh3.googleusercontent.com/-3ztqoeIKOmk/YHw_OMONvLI/AAAAAAAAD5E/uLs-CO_FqGopZaEVC6xRbT77_1hVTaIhACLcBGAsYHQ/s1600/IMG_20210418_194519.jpg
https://lh3.googleusercontent.com/-3ztqoeIKOmk/YHw_OMONvLI/AAAAAAAAD5E/uLs-CO_FqGopZaEVC6xRbT77_1hVTaIhACLcBGAsYHQ/s72-c/IMG_20210418_194519.jpg
FOX JOURNAL
https://www.foxjournal.in/2021/04/the-quest-for-immortality-chatuon.html
https://www.foxjournal.in/
https://www.foxjournal.in/
https://www.foxjournal.in/2021/04/the-quest-for-immortality-chatuon.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy