Fox Journal | Diphu: January 5 - 17, 2022 inkar sunga inkhel 5th CEM Gold Cup Football Championship 2022 chu Karbi Anglong Morning Star FC (KAMSFC) haiin hratna nopui an dawm. CEM Gold Cup hi KASA Stadium, Karbi Anglong a inkhel a nih.
Karbi Anglong Morning Star FC hai hin Hyderabad FC hai chu 4 - 2 (penalty) in an hneban a. Champion lawmman hi tangka nuoi 3 niin a pahnina team hin nuoi tangka nuoi 2 an dawng ve a nih.
KAMSFC a hin Hmar football khelthiem Cleaven Hmarramnghak, Jerry Pulamte, Lalhminghlu Vankal le Dr. Cornellius pudaite hai an țhang a nih.
CEM Gold Cup inkhelna a țhang team hi a rengin 12 an ni a, fiel bik team hai chau inkhel hlak niin "knock out basis" a inkhel hlak a ni thu report ei dawngna chun a hril.
Hi inkhelna a țhang "Outstation team" hai chu Hyderabad FC (reserve), Shillong Lajong, CISF (NER), Symropia FC, ASEB - Ghy, Assam Police Blues - Ghy, Jorhat Town Club, Jorhat, Dima United, Dima Hasao hai an ni a. A dang chu tuolsung club an ni tawl.
CEM Gold Cup hi KAMSFC in nopui vawithum - 1st, 3rd le 5th CEM Gold Cup an dawmna a ni tah.
COMMENTS