Fox Journal: Churachandpur district Hospital Manager thar dinga ruotna “appointment letter” chu Hmar nunghak Abigail Lalthanpui Sinate kuomah vawisun kha inhlan a lo ni tah.
Nk. Abigail hin January thla sung po kha Training hunin a hmang a, hi hma hin Imphal JNIMS ah intern a thaw bawk a nih.
Ama hi SGT University, Delhi NCR Gurgaon a inthawk Bachelor of Hospital Administration (BHA), first class a zo a nih.
Lekha tieng el chau ni loin Hmar rimawi khawvel chawisang na kawnga khawm Abigail hin a thaw hlawk hle a, Youth Entertainment indin in hla le rimawi tum thiem filawr hai kuomah chawimawina \um thum zet ama hmalakna hnuoiah inhlan a lo ni tah.
Nk. Abigail hi Pu Lalruotlien Sinate le Pi Edith hai nau milai niin tuhin an sungkuo in Churachandpur district sunga Sielmat a khawsa mek an nih.
COMMENTS