Ram lekha siem danglam leiin sawrkar thawktu 9 suspend

 Fox Journal | Imphal | 31 April 2023: Manipur sawrkâr hnuoia Revenue Department a thawktu pakuo (9) hai chu ram lekha siem danglamna thuah an sin inchâwltir (suspend) an nih. 

Hi thu hi vawisûn Chief Minister Secretariat, Imphal hmun ah ram lekha siem danglam, dân lo a forest le sawrkâr ram a lekha pêk, Thoubal a zu tehlem siem thu le Kongba hmun thienghlim ram raw thu a chanchinbumi hai inpâwlpuina hun a Manipur CM N. Biren Singh in a hril a nih.

An sin a’nthawk inchâwltir a um hai chu Kh Goverdhon Singh, MCS, Samson Huidrom, MCS, G Chinglensana Kabui, L/A SDC, M Sanatomba Singh, Mandol, L Biswanath Singh, Mandol, Md Hassan, Mandol, T Hemjit Singh, Mandol, O Munal Singh, Retd. Mandol and Md Jahangir, Retd Mandol hai an nih.

 

N. Biren Singh chun sawrkâr thawktu official hai an sin ringum taka thaw a, dân in a phal lo sin thaw lo dingin an fui. Sawrkâr in ram lekha pêk hai enfel dingin Committee an din thu a hril a, dân phallo sin lo thaw an um ani chun sawrkâr in hremna a pêk hmaa anni hung inpuong a insiemṭha dingin a ngên bawk a nih.

(Source: Imphal Times)